भू-उपग्रह प्रविधिको प्रयोगमार्फत नेपालको कृषि क्षेत्रको पहिचान गर्न सम्झौतागरिमा र रञ्जनको रोमान्सले भरिएको 'के गरौं भन तिम्रो हुनलाई' सार्वजनिक ( भिडियो )कफी क्लब च्यारिटी फुटसल शनिबारUnmissable' Pre-Budget Offer in Deepal EVs with Unmatched Style, Unrivalled Featuresव्यवहार परिवर्तनका लागि महिलाहरुलाई ‘हेफर आधारशिला’ तालिमउत्पादन बढाउन आधुनिक खोर निर्माणमा जोड दिँदै वालिङ ।कहिँ कतै हराएँ भने भेट्न आउनु सपनीमा आभास हुन्छ घरि घरि, छौँ एकै सिरानीमाकाठमाडौँ जेसीजद्वारा पात्रो विमोचन तथा शुभकामना आदानप्रदान कार्यक्रम सम्पन्नतेक्वान्दो टोली जापान जाँदैसमृद्ध मुलुक निर्माणमा इन्जिनीयरको महत्वपूर्ण भूमिका : उर्जामन्त्री खड्का

बेल्जियममा नेपाली पाठशाला : ३५ बालबालिकाले सिक्दैछन् कखरा

न्यूजलाईन्स् मिडिया संवाददाता
प्रकाशित मिति : २०७४ चैत्र २४ गते, शनिबार ११:०४

लिस्बन -युरोपेली मुलुक बेल्जियममा नेपाली बालबालिकालाई लक्ष्य गरी नेपाल–ब्रसेल्स बाल सांस्कृतिक केन्द्र नामक नेपाली पाठशाला सञ्चालन गरिएको छ ।बेल्जियममा रहेका नेपालीको सक्रियतामा नेपाली बालबालिकालाई नेपाली भाषा, कला र लोकसंस्कृतिका विषयमा अध्यापन गराउने उद्देश्यले विगत दुई वर्षदेखि नेपाली पाठशाला सञ्चालन गरिएको हो ।बेल्जियममा जन्मेका र हुर्केका नेपाली बालबालिकामा नेपाली भाषा बोल्न र लेख्न समस्या देखिएपछि बेल्जियम सरकारसँग स्वीकृति लिएर राजधानी ब्रसेल्समा नेपाली पाठशाला सञ्चालन गरिएको केन्द्रकी संयोजिका सिर्जना कार्की थापाले राससलाई जानकारी दिनुभयो ।

फ्रेन्च  स्कूलको भवनको कोठा भाडामा लिएर सञ्चालन गरिएको यस केन्द्रमा १६ वर्षमुनिका ३५ जना नियमित नेपाली विद्यार्थी रहेका छन् । बेल्जियमको स्थानीय विद्यालयमा अध्ययन गर्ने बालबालिकाको समयलाई ध्यानमा राखेर पाठशालामा साताको एक दिन शनिबार कक्षा सञ्चालन हुँदै आएको छ ।हाल चारजना नेपाली शिक्षकमार्फत नेपाली भाषासम्बन्धी आधारभूत, सैद्धान्तिक, व्यावहारिक र नेपाली लोकसंस्कृतिसम्बन्धी प्रशिक्षण दिने व्यवस्था मिलाइएको संयोजक थापाले बताउनुभयो ।

पाठशालामा बालबालिकालाई तीन तहमा विभाजन गरेर नेपाली पाठ्यक्रमका आधारमा छुट्टाछुट्टै तीन वटा कक्षा सञ्चालन गरिएको छ । उनीहरुलाई कखरादेखि नेपाली शब्द र वाक्य लेखन तथा नेपाली बोल्न सिकाइएको छ ।बेल्जियममा जन्मेका र हुर्केका नेपाली बालबालिकाले यहाँको भाषा डच र फ्रेन्च बोल्ने तर नेपाली भाषा बोल्न नसक्ने समस्या देखिएपछि बेल्जियमस्थित नेपाली राजदूतावास र गैरआवासीय नेपाली संघ बेल्जियमको समन्वयमा नेपाली पाठशाला सञ्चालनमा ल्याइएको अध्यक्ष थापाले बताउनुभयो ।

स्थानीय विद्यालयमा डच भाषामा पढाइ, लेखाइ र बोल्ने बानी भएका कारणले नेपाली बालबालिकामा नेपाली भाषाको समस्या देखिएको थापाको भनाइ छ ।बेल्जियममा रहेका नेपाली बालबालिकालाई नेपाली भाषा र संस्कृतिका बारेमा जानकारी रहोस् भन्ने हेतुले विदेशी भूमिमा नेपाली पाठशाला सञ्चालन गर्न पाउँदा आफूहरुलाई निकै खुशी लागेको केन्द्रका संस्थापक तथा एनआरएन बेल्जियमका पूर्व अध्यक्ष रवीन्द्रमान श्रेष्ठले बताउनुभयो ।

केन्द्रमा नेपाली भाषा बोल्न तथा लेख्न सिकाउने, नेपाली संस्कार र संस्कृतिका विषयमा जानकारी गराउने तथा नेपाली रहनसहन, नेपाली लोक नृत्यलगायतका विषयमा प्रशिक्षण दिने गरिएको श्रेष्ठले बताउनुभयो ।विदेशी भूमिमा रहेर पनि नेपाली भाषा र लोक संस्कृतिको संरक्षण र प्रवद्र्धनमा लाग्नु आफैँमा प्रशंसनीय कार्य भएको बेल्जियमका लागि नेपाली राजदूत लोकबहादुर थापाले रासससँगको टेलिफोन संवादमा भन्नुभयो ।

बेल्जियममा जन्मेका र हुर्केका नेपाली बालबालिकामा नेपाली संस्कार, संस्कृति र नेपालीपनको भावना जगाउन पाठशालाले महत्वपूर्ण भूमिका निर्वाह गर्ने राजदूत थापाको भनाइ छ ।“प्रवासमा नेपाली पाठशाला सञ्चालन गर्नु चुनौतीको कुरा हो । नेपाली समुदायले सञ्चालन गरेको यस अभियानको निरन्तरता र सफलताका लागि नेपाली दूतावासले समेत नैतिक र आर्थिक हिसाबले सहयोग गरेको छ” – राजदूत थापाले रासससँग भन्नुभयो ।

उक्त नेपाली पाठशालालाई बेल्जियम सरकारले समेत सहयोग गर्ने आश्वासन दिएकाले आगामी दिनमा थप व्यवस्थित ढंगबाट सञ्चालन गर्ने योजना रहेको पाठशालाकी संयोजिका थापाले बताउनुभयो । थापाका अनुसार पाठशाला सञ्चालनका लागि बेल्जियमस्थित रहेको नेपाली राजदूतावासले वार्षिक ४०० युरो सहयोग उपलब्ध गराउँदै आएको छ ।यसैबीच, बेल्जियमका लागि नेपाली राजदूत थापाले पाठशालाका लागि ३० वटा नेपाली पाठ्यक्रम सहयोगस्वरुप प्रदान गर्नुभएको छ ।पाठशालाको दोस्रो वार्षिकोत्सव तथा अभिभावक दिवसको अवसर पारेर राजदूत थापाले ती पुस्तक हस्तान्तरण गर्नुभएको हो ।

-भरत प्रधान

फेसबुक प्रतिक्रिया
सम्बन्धित शीर्षकहरु