काठमाण्डौ -युवासंघका केन्द्रिय सदस्य सुजु मल्ल गुण्डा नाईके मनोज पुनको सहयोगीको रुपमा विहीबार पक्राउ परेका छन् । मनोज पुनको अपराधमा सहयोगी बनेको अभियोगमा काठमाण्डौबाट उनलाई प्रहरीले पक्राउ गरेको हो । काठमाण्डौमा पक्राउ परेका मल्ललाई भैरहवा लैजाने तयारी गरिएको बताईएको छ ।बुटवल ७ निवासी मल्ल युवा संघका तत्कालिन अध्यक्ष दुर्गा तिवारी र बलु पौडेलको हत्याको समयमा आवरणमा दिनभरी आन्दोलनमा नेतृत्व गर्ने र रात परेपछि सम्पुर्ण सुचना मनोज पुनलाई पठाउने गरेको प्रहरीले बताएको छ ।
ति घटनाका समयमा दल र प्रहरी प्रशासन संगको बैठकमा समेत युवा संघको तर्फबाट सहभागी हुने र बैठकमा भएका सवै सुचना समेत मनोज पुनलाई उपलब्ध गराउदै आएको प्रमाण फेला पारेको प्रहरीले बताएको छ ।मनोज पुनको प्रहरी ईन्काउन्टरको समय सम्म समेत मल्लले पुनलाई सुचना उपलब्ध गराएको भेटियो एक अनुसन्धान अधिकृतले भने ।युवा संघको संम्मेलनमा भाग लिन गएका मल्ललाई प्रहरीले गए राती करिव ११ बजे काठमाण्डौबाट नियन्त्रणमा लिएको बताईएको छ ।
-samayachakra.com
२०८१ मंसिर २६ - बुधबार
