सौर्य एयरलाइन्सको जहाज दुर्घटना हुँदा १८ जनाको मृत्युदुर्घटनामा परेको जहाजमा सवार १९ जना नै सौर्य एयरलाइन्सका कर्मचारी रहेको पुष्टिमधेश प्रदेशमा शेखर समुह बाट जिवछी यादव राज्यमन्त्री बन्दैआजको मौसम : कहाँ-कहाँ छ आज भारी वर्षाको सम्भावना?तारकेश्वर नगरपालिकामा भोली देखि विशेष पोलियो खोप अभियान सुरु हुनेनेपाली पारा तेक्वान्दोलाई बिदाई तथा शुभकामना कार्यक्रमबागमती प्रदेशको मुख्यमन्त्रीमा बहादुरसिंह लामा नियुक्तहेर्नुस् आज साउन ८ गते मंगलबारको राशिफल१७ करोडको लागतमा निर्माण भएको तारकेश्वर नगरपालिकाको प्रशासनीक भबन उदघाटनविद्यार्थीहरुको मागप्रति आईक्यान जिम्मेवार नभएको भन्दै एनकासाद्वारा चरणवद्ध आन्दोलन घोषणा

तीन वर्ष बितिसक्दा पनि भूकम्प पीडितले पाएनन् घर, कहाँ कति भयो पुनर्निर्माण ?

न्यूजलाईन्स् मिडिया संवाददाता
प्रकाशित मिति : २०७५ भाद्र २९ गते, शुक्रबार ०८:२३

काठमाडौँ – २०७२ वैशाख १२ गते गएको भूकम्पले ३२ जिल्लालाई प्रत्यक्ष प्रभाव पार्यो । त्यसमध्ये पनि १४ वटा जिल्लाहरू गोरखा, धादिङ, नुवाकोट, रसुवा, काभ्रे, सिन्धुली, रामेछाप, ओखलढुंगा, काठमाडौँ, भक्तपुर, ललितपुर, मकवानपुर, सिन्धुपाल्चोक, दोलखा अति प्रभावित भए । बाँकी १८ जिल्लाहरू म्याग्दी, बागलुङ, अर्घाखाँची, गुल्मी, पाल्पा, पर्वत, कास्की, स्याङ्जा, लमजुङ, नवलपरासी पश्चिम, नवलपरासी पूर्व, खोटाङ, चितवन, भोजपुर, सोलुखुम्बु, संखुवासभा, खोटाङ, धनकुटा कम प्रभावित भए ।

भूकम्प गएको तीन वर्ष बितिसक्दा पनि भूकम्प पीडितहरूले घर बनाउन भने सकेका छैनन् । सरकारले भूकम्प पीडितहरूलाई आवास पुनर्निर्माणका लागि पहिलो, दोश्रो र तेश्रो गरी अनुदान दिने भने पनि २ लाख ९१ हजार ९ सय २ ले मात्र अहिले सम्म तेश्रो किस्ता प्राप्त गरेका छन् । ५ लाख भन्दा बढी घरहरू अझै पुनर्निर्माण हुन सकेको छैन् ।

अति प्रभावित जिल्लाहरूमा ८ लाख २३ हजार ४ सय ६० र कम प्रभावित जिल्लामा १ लाख ७३ हजार १ सय २२ गरी जम्मा ९ लाख ९६ हजार ५ सय ८२ घरमा क्षति पुगेको थियो। २ लाख ३७ हजार ८५ घरधुरी प्राधिकरणले गरेको सर्वेक्षणमा नपरेको भन्दै गुनासो आएपछि प्राधिकरणले पुनरावलोकन गर्दा अति प्रभावित जिल्लाहरूमा २ लाख ५ हजार ५ सय ८४ घरधुरी प्रभावित भएको देखिएको थियो ।

राष्ट्रिय पुनर्निर्माण प्राधिकरणको तथ्यांक अनुसार अहिलेसम्म २ लाख ८५ हजार २ सय ९५ घरको निर्माण कार्य सम्पन्न भएको छ भने ५ लाख ४८ हजार ६ सय ३७ घर बन्ने क्रममा रहेका छन् । त्यस्तै अहिलेसम्म ७ लाख १४ हजार १ सय ८६ ले पहिलो किस्ता बापतको ५० हजार प्राप्त गरेका छन् । जसमा अति प्रभावित जिल्लाका ६ लाख २२ हजार ८ सय ७४ र कम प्रभावित जिल्लाका ९१ हजार ३ सय १२ रहेका छन् ।
त्यसैगरी ४ लाख ६९ हजार ४ सय ४८ ले दोश्रो किस्ताको रकम प्राप्त गरेका छन् जसमा अति प्रभावित १४ जिल्लाका ४ लाख ४९ हजार ५७ छन् भने कम प्रभावित १८ जिल्लामा २० हजार ३ सय ९१ रहेका छन् । त्यस्तै अति प्रभावितको २ लाख ५७ हजार ५ सय ३४ र कम प्रभावितको एक हजार ६५ गरी २ लाख २८ हजार ५ सय ९९ ले मात्र तेश्रो किस्ता पाएका छन् ।

यो बाहेक प्राधिकरणले छुट सर्वेक्षण तथा पुनः जाँच गर्दा १ लाख २९ हजार ४ सय ८ घरधुरी पनि प्रभावित देखिएको थियो तर पछिल्लो सर्वेक्षणमा परेका पीडितहरूले भने पहिलो किस्ता पनि प्राप्त गरेका छैनन् । प्राधिकरणका सह प्रवक्ता तथा सूचना अधिकारी मनोहर घिमिरे भने सम्झौता हुने क्रममा भएकाले पहिलो किस्ता प्राप्त गर्न नसकेको बताउँछन् । ‘हामीले छुट सर्वेक्षण गर्दा १ लाख भन्दा बढी गुनासा आएका थिए र त्यसमा छानबिन गरिरहेका छौँ,’ उनले भने, ‘केहीसँग सम्झौता भइसक्यो र उहाँहरूले पहिलो किस्ता पनि पाइसक्नुभयो तर प्रायको सम्झौता हुने क्रममा नै रहेकाले केही समय अझै लाग्ने देखिन्छ ।

फेसबुक प्रतिक्रिया
सम्बन्धित शीर्षकहरु