काठमाडौं । नेपाली कांग्रेसको भ्रातृ संगठन नेपाल दलित विद्यार्थी संघले दलित विद्यार्थीका साथै विशेष गरी दलित समुदायका लागि राहत उपलव्ध गराउने जनाएको छ ।
संघका अध्यक्ष राजु सुनारले एक प्रेस विज्ञप्ती प्रकाशित गरी कोरोना भाइरसका कारण समस्यामा परेका विद्यार्थीका साथै अन्य दलित समुदायका नागरिकलाई समन्वय गरी राहत वितरण र सहजीकरण गर्ने जनाएका छन् । विभिन्न जिल्लाबाट उपत्यका आएर अध्ययन गर्दै गरेका वा अन्य कामको सिलसिलामा आएर अहिले संकटमा परेकाका लागि व्यवस्थापन गर्ने सुनारको भनाई छ । संघले यसका लागि समन्वय र सहयोग गर्न सबैलाई अनुरोध पनि गरेको छ ।
संघले केन्द्रीय कार्यसमितिको सम्पर्क नम्बर पनि उपलव्ध गराएको छ । कसैले सम्पर्क गरे आवश्यक व्यवस्थापन गर्ने अध्यक्ष सुनारले जनाए ।
अध्यक्ष सुनार ९८५१२७०९८२, टपेन्द्र भुषाल (वरिष्ठ उपाध्यक्ष) ९८४८४२३११५, उपाध्यक्ष खेमराज विश्वकर्मा ९८४७९९२७६०, महासचिव शंकर दमाई ९८४११६२८३६ लगायतको नम्बर सार्वजनिक गरिएको छ ।
यसअघि संघले काठमाडौको बुढानिलकण्ठ र गोकर्णेश्वर नगरपालिकामा रहेका २ वटा वाल आश्रमलाई खाद्यान्न र अति आवश्यकीय सामग्री उपलव्ध गराएको थियो । अध्यक्ष सुनारले आगामी दिनमा पनि समस्यामा परेकालाई सहयोग उपलव्ध गराइने बताए । उनले कोरोनाको महामारी बढ्दै गएकाले सबैलाई सचेतना अपनाउन पनि आग्रह गरेका छन् ।
२०८० आश्विन १४ - आईतवार
