मङ्सिर ८, हाँडिगाउँ स्थित सेन्ट जर्ज स्कुलले “गर र सिक” भन्ने नारालाई सार्थकता दिन विद्यालयमा अन्तर सदन खाना पकाउने प्रतियोगिता सम्पन्न गरेको छ ।
प्रतियोगितामा चार वटा सदनमा विद्यार्थीहरुले फरक फरक परिकारहरु तयार गरेका थिए । जसमा नेवारी , भेज,नन भेज, ढिँडाे, खिर, विभिन्न दुधका परिकार एवं मासुका परिकार तयार गरेका थिए । विद्यार्थीहरुले दाउरा बालेर खाना बनाएका थिए । प्रतियोगितामा सबै विद्यार्थीहरुले उत्सुकताका साथ भाग लिएका थिए । विद्यालयले विद्यार्थीहरुको चौतर्फी हितका लागि यस्ता फरकफरक खालका विद्यार्थीहरुले दैनिक जिवनमा भोग्नु पर्ने किसिमका कार्यक्रमहरु गरिरहने गरेको कुरा विद्यालयका प्र. अ.मेघराज बजगाईले बताए ।
प्रतियोगितामा तयार गरिएका खाना खाई कार्यक्रममा बोलाइएका अतिथिहरुको राय अनुसार पहिलो दोस्रो र तेस्रो हुने सदनको छनौट गरिएको कुरा विद्यालय ब्यवस्थापन समितिका अध्यक्ष प्रल्हाद दाहालले बताए ।
प्रतियोगितामा रातो र निलो सदन प्रथम भए भने हरियो र पहेँलो सदन दोस्रो भए । सबै सदनले तयार पारेको खाना उत्तिकै स्वादिष्ट र आकर्षक थिए । बिजयी सदनहरुलाई विद्यालयको विशेष कार्यक्रममा पुरस्कार प्रदान गरिनेछ ।
कार्यक्रममा नेपाल डेरी एसोसिएसनका केन्द्रिय सदस्य रमेश सन्जेल, एसोसिएसन बागमती प्रदेशका अध्यक्ष टिका प्रसाद घिमिरे, व्यवसायी राजेश चालिसे र अष्ट्रेलियाबाट नेपाल आएका गणेश घिमिरेको उपस्थिति रहेकोे थियो । यस्ता कार्यक्रमले बालबालिकाको दिमाग फ्रेश हुने अरु कार्य गर्न जाँगर चल्ने हुँदा विद्यालयमा यस्ता फरक खालका कार्यक्रम आयोजना गरिरहनु पर्ने कुरा बताउँदै धेरै पछि आफूलाई अफू विद्यालयमा पढ्दाको याद आएको कुरा अतिथि गणेश घिमिरेले बताए ।
२०८२ बैशाख १३ - शनिबार
