अरहान्तकेशर सिम्ह र अमिर ब्लोन बिहिबार एनएसआरए राष्ट्रिय ¥याङकिङ स्क्वास प्रतियोगिताको फाइनलमा पुगेका छन् ।
नेपाल स्क्वास एन्ड ¥याकेट्स संघको आयोजनामा भइरहेको प्रतियोगिताको महिला एकलमा विपना ब्लोन र स्वस्थानी श्रेष्ठ उपाधि भिडन्तमा पुगे । सातदोबाटोस्थित स्क्वास हलमा भएको पहिलो सेमिफाइनलमा विपनाले चिरपरिचित प्रतिद्वन्द्वी कृष्णा थापालाई चार सेटमा ११–३, ९–११, ११–५ र ११–६ ले हराइन् । अर्को सेमिफाइनलमा लिग चरणमा शीर्ष स्थानमा रहेर नकआउटमा पुगेकी स्वास्थानीले अस्मिता नगरकाटीको चुनौती सजिलै ११–७, ११–२ र ११–२ ले समाप्त पारिन् ।
यसअघि, पुरुष एकल सेमिफाइनलमा अरहान्तले पाासाङ ब्लोनलाई सीधा सेटमा ११–६, ११–६ र ११–५ तथा अमिरले दीपक थापालाई चार सेथमा १४–१२, ४–११, ११–९ र ११–९ ले पराजित गरे । हरेक वर्ष वरीयता छुट्याउन भइरहको यो प्रतियोगिताको समापन शुक्रबार हुनेछ । यस प्रतियोगिताबाट प्राप्त वरीयता २०८१ सालको चैत महिनासम्म रहनेछ ।
२०८१ आश्विन २६ - शनिबार
