काठमाडौँ। निर्देशक यादव भट्टराईले चलचित्र ‘झिल्को‘ को निर्माण तथा निर्देशन गरेका छन्। विश्वव्यापी चर्चामा रहेको दुई नेपाली कथानक चलचित्र झोला र भोरपछि निर्देशक भट्टराईल निर्माण तथा निर्देशन गरेको तेश्रो चलचित्र ‘झिल्को‘ हो ।
यस चलचित्रको प्रदर्शन १९ वैशाख २०८२ तोकिएको छ।
बालबालिकादेखि युवापुस्ता र ज्येष्ठ नागरिकसम्म सबैलाई गम्भीर रूपमा गाँजेको र ठूलो समस्याका रूपमा विकास हुँदै गएको दुर्व्यसनी डिजिटल दुर्व्यसनी हो। यही संवेदनशील विषयमा बनेको चलचित्र झिल्कोको कथा हो,‘ निर्देशक भट्टराईले भने, ‘यो एक व्यवसायिक र बाल मनोविज्ञानमा आधारित पारिवारिक चलचित्र हो।‘
मोबाइल दुर्व्यसनका कारण बालबालिकामा देखिने समस्या र त्यसले परिवार र समाजलाई पार्ने प्रभावबारे यस चलचित्रले जस्ताको तस्तै प्रस्तु गर्ने कार्य भएको जानकारी पनि निर्देशक भट्टराईले दिएका छन्। चलचित्रमा सुनील पोखरेल, वर्षा सिवाकोटी, भोलाराज सापकोटा, विशाल पोखरेल र आयुषी ढकाल प्रमुख कलाकारका रूपमा रहेका छन्।
झिल्को‘ को पटकथा तथा संवाद निर्देशक भट्टराईसहित अरूणदेव जोशी र देवव्रतले तयार पारेका हुन्। निर्माता सुशीला आचार्य र रामगोपाल थापा हुन् भने कार्यकारी निर्माता उमेश पौडेल रहेका छन्। फिल्ममा दीपक बज्राचार्यको छायांकन तथा चण्डीप्रसाद काफ्ले र दीपक शर्माको संगीत छ। निमेश श्रेष्ठले फिल्मलाई सम्पादन गरेका हुन्। मिडिया फर कल्चर प्रालिको प्रस्तुतिमा फिल्म बनेको हो।
२०८२ बैशाख ५ - शुक्रबार
