सन्जेश तामाङ र अर्सिया खड्काले नवौं राष्ट्रिय पुरुष÷महिला खुला फुल कन्ट्याक्ट अतेमी क्योकुसिन कराते प्रतियोगितामा स्वर्ण जितेका छन् ।
पुरुष खुला तौलसमूहको फाइनलमा सन्जेशले हर्ष गुप्तालाई पराजित गरे । सनम कार्की तेश्रो बने । नेपाल अटेमी क्योकुसिन कराते संघको आयोजनामा नेपालटारमा भएको प्रतियोगिताको महिला खुला तौलसमूहको फाइनलमा अर्सियाले एन्जिला आचार्यलाई हराइन् । पायल मगर तेश्रो भइन् ।
प्रतियोगिताको पुरुष २५ केजीमा रिवाज घले, ३० केजीमा आर्यन दनुवार, ३५ केजीमा अंशकुमार रौनियार, ४० केजीमा सुमनकुमार दास, ४५ केजीमा सागरकुमार दास र ५५ केजीमा नवराज गिरी पहिलो भए ।
महिला २५ केजीमा आरोही रावत, ३० केजीमा अनुष्का कार्की, ४० केजीमा सोस्मोटीकुमार मण्डल, ४५ केजीमा सोनिया राई र ५० केजीमा एस्थरमाया बयल्कोटीले स्वर्ण जिते ।
विजेतालाई पूर्व युवा तथा खेलकुद मन्त्री हितबहादुर तामाङलगायतले एक कार्यक्रमबीच पुरस्कृत गरे । त्यसअघि प्रतियोगिताको राष्ट्रिय खेलकुद परिषद्का सदस्य–सचिव टंकलाल घिसिङले एक कार्यक्रमबीच उद्घाटन गरेका थिए । आयोजक संघका महासचिव युवकराज पराजुलीका अनुसार एकदिने प्रतियोगितामा विभिन्न १५ स्पर्धामा १ सय ३३ खेलाडी सहभागी थिए ।
२०८१ चैत्र २ - शनिबार
