नुवाकोट – बेल्कोटगढी- ३ नुवाकोट मा रहेको श्री लक्ष्मेस्वरी माध्यमिक बिधालयले शैक्षिक सत्र २०७५-०७६ मा कक्षा ११-१२ सन्चालन गर्ने उदेश्य ले आगामी बैशाख ४ गतेदेखी बैशाख १२ गतेसम्म बिधालय प्राङ्गणमा “१०८ श्रीमद्भागवत सप्ताह धन-धान्यान्चल ज्ञान महायज्ञ एवम धार्मिक महोत्सव ” तथा बिबिध साँस्कृतिक कार्यक्रम गर्ने उदेश्य ले कार्यक्रमको भब्य तयारी भैरहेको छ ।बिधालय ब्यबस्थापन समितीका अध्यक्ष शम्भु प्रसाद पनेरुको अध्यक्षतामा अन्तर्राष्ट्रिय ख्यातीप्राप्त बाचक बालतपस्वी पं. श्री. उत्तम भट्ट महाराज समेतको उपस्थितिमा आज काठमाडौ,बालाजु स्थित “मनमोहन मेमोरियल बिधालय ” मा पुर्ब बिद्यार्थीहरु तथा ब्यबस्थापन समिती सदस्य हरुको विशेष भेटघाट तथा चियापान कार्यक्रम गरि आर्थिक , प्रचार -प्रसार , कार्यक्रम ब्यबस्थापन समिती गठन गरिएको छ ।साथै कार्यक्रम मुल आयोजक समिती सदस्यता थप गर्ने कार्यक्रम समेत सम्पन्न भएको छ |

आर्थिक तथा भौतिक स्रोत साधन को कमि रहेको उक्त बिधालय ले आर्थिक तथा भौतिक स्रोत जुटाई कक्षा ११ -१२ संचालन गर्ने उदेश्य ले कार्यक्रम गर्न लागिएको साथै उक्त कार्यक्रम ले बिधालयमा कक्षा ११-१२ सन्चालन मा महत्वपुर्ण भुमिका रहने बिधालयका प्रधानाध्यापक अर्जुन कुमार पुडासैनी ले जानकारी दिनुभएको छ ।साथै उहाले यस्ता धार्मिक कार्यक्रममा धेरै ब्यक्ती को उपस्थिती हुनुपर्ने .सबैले आफ्नो क्षेत्रबाट चुस्त दुरुस्त ढंगले सहयोग तथा कार्यसम्पादन गर्नुपर्ने  जिकिर गर्दै यो कार्यमा सबैले आफ्नो ठाउँ बाट सहयोग को हात अगाडी बढाउन अपील पनि गर्नुभयो ।कार्यक्रममा प्रधानाध्यापक अर्जुन कुमार पुडासैनी ,पूर्व माननीय सभासद बिमला सुबेदी , समाजसेवी जगत लामा ,युवा ब्यबसायी रुद्र ढुंगेल ,बिद्यालय व्यवस्थापन समितीका पूर्व अध्यक्ष तेजप्रसाद मुडभरी ,१०८ श्रीमद्भागवत रास्ट्रशान्ति महाअनुष्ठान अभियान संयोजक बासुदेब घिमिरे लगायतका थुप्रै  बक्ताले आ-आफ्नो भनाई राख्नुभएको थियो |

साथै आ-आफ्नो स्थानबाट सहयोग गर्ने समेत जानकारी गराएका थिए |कार्यक्रम मुल समिति संयोजक बिधालय ब्यबस्थापन समितीका अध्यक्ष शम्भु प्रसाद पनेरू र सह-संयोजक समाजसेवी जगत बहादुर लामा ,आर्थिक समिती संयोजक उमेश मुडभरी ,प्रचारप्रसार समिती संयोजक बेदनिधी मुडभरी साथै मिडिया प्रचारप्रसार संयोजकमा घनश्याम मुडभरी लाई तोकिएको छ   ।

साँगे सभ्यता संरक्षण तथा विकास अभियानको आयोजनामा नव वर्ष २०८२ को उपलक्ष्यमा चियापान तथा शुभकामना आदान–प्रदान कार्यक्रम सम्पन्न

नयाँबसपार्क बचत तथा ऋण सहकारी संस्थाको १४ औँ साधारणसभा तथा अधिवेशन सम्पन्न

उत्पादनमा जोड्न महिलालाई बाख्राका पाठी र बोका वितरण

चार स्थानीय तहद्वारा नगरकोट भ्रमण वर्ष आयोजना, ११ लाख पर्यटक भित्र्याउने लक्ष्य

गायिका देविका बन्दनालाई सम्मान ।। क्यान्सर रोगसम्बन्धी सचेतना कार्यक्रम ।।