दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

धुलाम्मे सडक पखाल्न ‘जेट मेसिन’ ल्याउँदै काठमाडौं महानगर

न्यूजलाईन्स् मिडिया संवाददाता
प्रकाशित मिति : २०७४ जेष्ठ ३१ गते, बुधबार १५:१७

रुख रोप्ने ‘ट्री ट्रान्सप्लान्ट’ र सडक बढार्ने ब्रुमरसँगै काठमाडौं महानगरपालिकाले सडक पखाल्ने जेट मेसिन ल्याउने भएको छ।
महानगरको सडक डिभिजन मेकानिकल इन्जिनियर र पुल्चोक क्याम्पसको मेकानिकल इन्जिनियरिङको विभागीय प्रमुखको टिमले यसको बारेमा अध्ययन गरिरहेको काठमाडौं महानगरपालिकाका प्रवक्ता ज्ञानेन्द्र कार्कीले जानकारी दिए।

अध्ययन प्रतिवेदन आइसकेपछि नेपालमा कुन डिजाइनको मेसिन ठिक हुन्छ निक्र्याैल र परीक्षण गरी त्यही अनुसार खरीद प्रकृयामा जाने उनले जानकारी दिए।

यी तीन वटै मेसिन खरीद गर्न अर्थ मन्त्रालयले ९ करोड दिएको र महानगरले पनि करिव ९ करोड लगानी गर्ने उनले बताए। एउटा मेसिनको करीव ३ करोड पर्ने महानगरले आँकलन गरेको छ।

अहिले महानगरमा ३ वटा ब्रुमर मेसिन, २ वटा जेट मेसिन र एउटा ट्रि ट्रान्सप्लान्ट आवश्यक रहेको उनको भनाई छ। बजेटले भ्याएसम्म ५ वटासम्म जेट मेसिन ल्याउन सकिने कार्कीले बताए।

केही समय अगाडि सडक पखाल्न दमकल प्रयोग गरिए पनि त्यसले धेरै पानी खर्च गर्ने र सडक छेउछाउमा धेरै पानी जम्मा हुने भएकोले त्यत्ती प्रभावकारी हुन सकेन।

कार्कीका अनुसार यी मेसिन आइसकेपछि पहिले बु्रमरले बढारेर धुलो हटाइन्छ। अनि जेट मेसिनको सहायताले सडक पखालिन्छ र पूर्ण धुलोमुक्त बनाइन्छ। यो कार्यक्रम सुरु भएपछि महानगरवासीले धेरै राहत महसुस गर्ने महानगरको विश्वास छ।

जेट मेसिन विकसित देशहरुमा निकै प्रयोगमा आइरहेको र यो नेपालमा समेत प्रभावकारी हुने कार्कीले बताए। काठमाडौंसँग जोडिएका नगरहरुले पनि यस्तो प्रविधि प्रयोग गरे उपत्यका नै धुलो मुक्त र सुन्दर हुने उनको विश्वास छ।

फेसबुक प्रतिक्रिया
सम्बन्धित शीर्षकहरु