भदौ ६, काठमाडौं । प्रधानमन्त्री देउवाले नेपालको प्रजातान्त्रिक आन्दोलनमा त्रिचन्द्र क्याम्पस भूमिका सराहनीय रहेको बताउनु भएको छ ।
हिजो त्रिचन्द्र बहुमुखी क्याम्पसको शतवार्षिकी समारोहलाई त्रिचन्द्र क्याम्पसको परिसरमा भएको कार्यक्रमलाई स्म्बोधन गर्दै प्रमुख अतिथी प्रधानमन्त्री देउवाले सो कुरा बताउनु भएको हो ।
प्रधानमन्त्री देउवाले आफु पनि सोही क्याम्पसको पुर्व विद्यार्थी भएकाले अध्ययनको क्रममा पुलिसले पटक पटक आफुलाई गिरप्तार गरेको स्मरण गर्नु भयो ।
कार्यक्रममा प्रधानमन्त्री देउवालाई सोही क्याम्पसको पूर्व विद्यार्थीको नाताले क्याम्पस प्रमुख प्रदीय बहादुर नेउपानेले क्याम्पसको तर्फबाट सम्मान गर्नु भएको थियो ।
काठमाडौं एैतिहासिक राणीपोखरी र घण्टाघरको परिससरमा रहेको नेपालको उच्च शैक्षिक संस्थाको सबेभन्दा पुरानो संस्था त्रिचन्द्र क्याम्पसको स्थापना तत्कालीन राणा प्रधानमन्त्री चन्द्र शम्शेर जवराले सन १९१८ मा स्थापना गरेका थिए ।
कार्यक्रममा त्रिचन्द्र क्याम्पसमा बी.ए सम्मको अध्ययन गर्नु भएका संस्कृतिविद तथा शताब्दी पुरुष सत्य मोहन जोशी लगायत क्याम्पसका मेधावी छात्र तथा बरिष्ठ प्राध्यपकहरुलाई प्रमुख अतिथी प्रधानमन्त्री देउवाले सम्मान गर्नु भएको थियो ।
कार्यक्रममा पुर्व मन्त्री रामशरण महत, नवीन्द्र राज जोशी, शंकर भण्डारी तथा काठमाण्डौ महानगरपालिकाका प्रमुख विद्या सुन्दर शाक्यको पनि उपस्थिति रहेको थियो ।
