कार्तिक १4, काठमाण्डौ महानगरपािलकाले हाल महानगरपालिकाको कार्यालय रहेको बागदरवार बागदरबावर नभई हरि भवन रहेको बताएको छ ।
आज राजधानीको राष्ट्रिय सभा गृहमा आयोजित पत्रकार भेटभाट कार्यक्रममा बोल्दै महानगरापलिकाका प्रमुख विद्या सुन्दर शाक्यले सो कुरा बताउनु भएको हो ।
यसैगरी महागर प्रमुख शाक्यले महानगरपािलकाको कार्यालय बागदरबार परिसरमा रहेपनि बागदरबार नभएको उनले जानकारी दिए। ‘महानगरपालिकाको कार्यालय रहेको भवन हरी भवन हो जुन बागदरबार परिसरमा अवस्थित छ ’ उनले भने ‘बागदरबार त धेरै अघि भत्किसकेको थियो ।’ महानगरपालिकाको भवन जुद्ध समशेरका छोरा हरी शमसेरले बनाएको तथ्य समेत फेला पारेको उनले दावी गरे । ‘हामीले भेट्टाएको इट्टामा जुद्ध शमसेर १९९१, १९९२ लेखिएको छ ’ उनले भने ‘यसले हरी भवन ९० साल पछि बनेको पुष्टि हुन्छ ।’ १ सय बर्ष नपुगेको भवनलाई पुरातात्विक नमानिने शाक्यले बताए । प्राचीन स्मारक स.रक्षण ऐनलेनै १ सय बर्ष नपुगेको भवनलाई पुरातात्विक नमान्ने उनले जानकारी दिए । पत्रकार सम्मेलनमा उनले हाल महानगरपालिकाको पुरातत्व विभागसँग विवाद नरहेको पुष्टि गरे । शाक्यका अनुसार हाल पुरातत्वसँग छलफलको क्रममा छ । साथै हालको महानगरपालिका कार्यलय परिसरमा राणकालिन, मल्लकालिन र आधुनिककालिन संरचनाको फ्युजन गरेर नयाँ भवन निर्माणको प्रक्रिया थालेको जानकारी दिए ।
महानगरपालिकाको महानगरपालिकाले ऐतिहासिक मौलिकता तथा लिच्छविकालिन परम्परागत शैलीलाई कायम राख्दै नयाँ भवन बनाउन लागेको हो । जसअनुसार एउटा भवन हालको हरी भवनकै डिजाइनमा तयार गरिने छ । मोहडाको पहिलो भाग ३ तत्लाको हुने छ । यो ब्लकको भित्रि फिनिसिङ पनि हरीभवनकै पौराणिक शैलिमा तयार गरिने छ ।
सो भवन निर्माणको प्रस्ताव हाल कार्यपालिका बैठकमा छलफलको क्रममा रहेको मेयर विद्यासुन्दर शाक्यले जानकारी दिए । उनका अनुसार भवन निर्माणका लागि १ अर्ब ५० करोड रुपैयाँ लागत लाग्ने अनुमान गरिएको छ । प्रस्ताव पास भएपछि काम शुरु गरेको ४२ महिनाभित्र निर्माण सक्ने लक्ष्य महानगरपालिकाले राखेको छ ।
२०८१ मंसिर २६ - बुधबार
