रुपन्देहीमा एक्कासी जाडो बढेको छ । चिसोले जनजीवन प्रभावित भएको छ । आज बिहानदेखि बाक्लो हुस्सु लाग्ने र दिउँसो कम घाम लागेका कारण रुपन्देही जिल्लाको सहरी तथा ग्रामीण भेगका नागरिकले जाडोको निकै महसुस गरेका छन् ।
जाडोको निकै प्रभाव पर्नुको साथै सहरबजारमा हिँड्नेहरुले बाक्लो लुगा लगाएर हिडनुपर्ने बाध्यता छ ।जाडोले केही स्थानमा सर्वसाधारणले जाडोबाट बच्नको लागि आगो बालेर ताप्ने शुरु गरेका छन् ।
जाडोको बेला खासगरी बिहानको समयमा पढनजाने बालबालिका सबैभन्दा बढी प्रभावित भएको बताइएको छ ।जाडोले रुघाखोकीका बिरामी बढेका छन् ।
