बुटवलका सञ्चारकर्मी दलबहादुर भण्डारीको निधन भएको छ । उनको आज बिहान बुटवलको हस्पिटल लाइनमा ना ७ ख ६७२५ नम्बरको ट्रिपरले लु ३१ प १४५० नम्बरको स्कुटरलाइ ठक्कर दिँदा निधन भएको हो । दुर्घटनामा गम्भीर घाइते भएका उनको जेनस हस्पिटलमा उपचारको क्रममा मृत्यु भएको हो ।
नया दिशा साप्ताहिकका बजार व्यवस्थापक, बुटवल बहुमुखी क्याम्पसका पुर्व स्ववियु उप-सभापती, राष्ट्रीय जनमोर्चाका नेतासमेत रहेका भण्डारीको निधनले रुपन्देहीको संचार क्षेत्र स्तब्ध बनेको छ।
गोलपार्क बाट चौडाहा तर्फ जादै गरेको ट्रीपरले स्कुटरमा हिडिरहेका उनलाइ हस्पिटल लाइनमा ठक्कर दिएको हो । दुर्घटनामा परि ४५ बर्षका भण्डारी गम्भीर घाइते भएका थिए ।
गम्भीर घाइते भण्डारीको ठक्कर दिने ट्रीपर प्रहरीको नियन्त्रणमा रहे पनि ट्रीपर चालक भने फरार रहेको पश्चिम क्षेत्रिय ट्राफिक प्रहरी कार्यालय बुटबलले जनाएको छ । भण्डारीका २ छोरा र एक श्रीमती छन् ।-NagrikAawaj
२०८१ चैत्र ५ - मंगलवार
