प्रिमियर ईन्स्योरेन्स(PIC)ले साढे ६ लाख कित्ता थप नयाँ साधारण सेयर (एफपीओ) बिक्रीमा ल्याउने आब्हान पत्र प्रकाशित गरेको छ । कम्पनीले एक सय रुपैयाँको अंकित मूल्यमा ६९९ रुपैयाँ प्रिमियम थपेर ७९९ रुपैयाँमा सेयर बिक्रीमा ल्याएको हो ।
उसको सेयरमा पुस १६ गतेदेखि पुस १९ गतेसम्म आफ्नो खाता रहेका बैंकमा गई न्युनतम १० कित्तादेखि अधिकतम ३२९० कित्तासम्मका लागि आबेदन दिन सकिने छ ।
दोस्रो बजारमा यस कम्पनीको साधारण सेयरको मूल्य १५०० रुपैयाँ हाराहारीमा रहेको र गत बर्षको लाभांश पनि बितरण हुन बाँकी रहेकोले एफपीओमा आबेदन फाईदाजनक नै हुनसक्छ तर अधिक आबेदन पर्ने हुँदा १० कित्ता भन्दा बढीको आबेदनले खासै उपलब्धि हाँसिल नहुनसक्छ ।
कम्पनीको सेयर निश्काशन तथा बिक्री प्रबन्धक एनएमबी क्यापिटल रहेको छ । ४४ करोड चुक्ता पूँजी रहेको कम्पनीले गत बर्ष १८ करोड खुद नाफा गरी ४० रुपैयाँ प्रतिसेयर आम्दानी गरेको थियो । उसको जगेडा कोषमा १२ करोड, बीमा कोषमा ३२ करोड र भुक्तानी हुन बाँकी दावी रकम एक अर्ब ३९ करोड रहेको छ ।
२०८१ चैत्र ८ - शुक्रबार
