विश्वकै कान्छा निर्देशक सौगात विष्टको निर्देशनमा तयार भइरहेको ‘हैरान’को डबिङ सकिएको छ । चलचित्रका गायक तथा अभिनेता सत्यराज आचार्यले डबिङ गरेसँगै चलचित्रको डबिङको सम्पूर्ण काम सकिएको निर्माण पक्षले बताएको छ । यति बेला निर्माण टिम डबिङ गरेपछि अन्य प्राविधिक कार्यमा जुटेको छ ।
‘लभ यु बाबा’बाट निर्देशनमा डेव्यु गरेका सौगातको यो दोस्रो चलचित्र हो । अघिल्लो चलचित्रमा बाबु छोरी बिचको प्रेमलाई देखाइएको थियो भने यस पटक सामाजिक विषयवस्तुलाई समेटिएको निर्माण पक्षले जनाएको छ । चलचित्रको डबिङ र सुटिङको क्रममा कलाकार सत्यराज आचार्यले करिब २५ हजारको पान मात्र खाएको बताए । ‘चलचित्र ‘हैरान’मा आफू पनि हैरान भए ।
पात्रको लागीमात्र मैले २५ हजार बढीको पा मात्र खाए ।’ आफूलाई मन परेको भूमिकामा काम गर्न पाउँदा दङ्ग रहेका सत्यले चलचित्र अवधिभर रमाइलो गरेको बताए । चलचित्रमा सत्यराजसँगै गजित विष्ट, मोहमद वसिम राजा, निश्मा घिमिरे, सरोज खनाल, बुद्धि तामाङ, पुष्कर रेग्मी, एन्जल राई, आरोही शर्मा लगायतका कलाकारको अभिनय रहेको छ ।
डान्स फेभरको ब्यानरबाट निर्माण भएको चलचित्रमा मुक्ति घले , सृष्टि घिमिरे , डाक्टर बाइ एल लामाले संयुक्त लगानी गरेका छन् । गम्भीर विष्टको कथा र कोरियोग्राफी रहेको चलचित्रमा द्वन्द्व चन्द्र पन्तm, सङ्गीत सत्यराज आचार्य, स्वरुपराज आचार्य, करिण कँडेल, राजन इशान र सन्तोष श्रेष्ठको रहेको छ । निर्माता तथा कलाकार गजित विष्टको अनुसार चलचित्र यही चैत्र या वैशाखमा रिलिज हुने बताए ।
