काबुल- अमेरिकाका उपराष्ट्रपति मिक पिन्स क्रिसमसको पूर्वसन्ध्यामा अमेरिकी सैनिकसँग भेटघाटका लागि अफगानिस्तान पुग्नुभएको छ ।भ्रमणको क्रममा उप राष्ट्रपति पिन्सले बिहीबार राति अफगान राष्ट्रपति असरफ घानीसँग भेटघाट गरी विभिन्न पक्षमा छलफल गर्नुभएको एक स्रोतले सिन्ह्वा समाचार समितिलाई बताएको छ ।
उहाँहरुबीच काबुल र वासिङटनबीचको सामरिक साझेदारी, अफगानिस्तानको सुरक्षा लगायतका उपयोगी विषयमा छलफल भएको बताइएको छ ।आतङ्कवादले तहसनहस पारेको देश अफगानिस्तानमा उच्चस्तरीय विदेशी अधिकारीहरु अघोषित रुपमा भ्रमण गर्ने गर्दछन् ।-रासस
२०८१ आश्विन २ - बुधबार
