काठमाडौं । फिल्म ‘क्याप्टेन’का लागि युवा स्टार अनमोल केसी र उपासाना सिंह ठकुरी मुख्य नायिकाको रुपमा खेल्ने भएकी छन् । तर, निर्माण टीमबाट प्राप्त जानकारी अनुसार उपासना फिल्मका लागि कन्फर्म भने भइसकेकी छैनन् ।
निर्देशक दिवाकर भट्टराई भने नायिका तय भएको विषयमा केही खुलाउन नमिल्ने बताए । विकास वोर्डमा दर्ता गरिएको फारममा भने फिल्मको नामदेखि निर्माण कम्पनी, मुख्य कलाकार र कथाकारको नाम उल्लेख छ । भुवन केसी र अनमोल केसीको निर्माता रहेको फिल्ममा सामिप्यराज तिमल्सिनाको कथा रहनेछ । मुख्य कलाकारको रुपमा अनमोल र उपासना रहेका छन् । स्रोतका अनुसार, ‘क्याप्टेन’मा अनमोलका लागि खोजिएका अन्य युवतीभन्दा निर्माण टीमले उपासनालाई मनपराएको छ ।
फागुन तेस्रो साताबाट छायाँकन सुरु हुने क्याप्टेन लाई आउँदो सालको तीजमा प्रदर्शन गर्ने भनिए पनि रिलिज मिति भने उल्लेख गरिएको छैन । यो अनमोलको पाचैँ फिल्म हो । उनी अभिनित चौथो फिल्म ‘कृ’ माघ २६ देखि प्रदर्शनमा आउँदैछ ।
२०८१ भाद्र २६ - बुधबार
