भक्तपुर जिल्लामा रहेका बाल मस्तिष्क पक्षाघात भएका तथा बहु अपांगता भएका व्यक्तिहरुका लागि प्रथम भक्तपुर जिल्ला स्तरिय बोसिया प्रतियोगिता हालै सम्पन्न भयो । सि बि आर भक्तपुरद्धारा आयोजित सो बोसिया खेलको लागि नेपाल बोसिया संघबाट प्राविधिक सहयोग गर्नुभएको थियो भने आर्थिक सहयोग इरिक फिजीयोथेरापी तथा काउन्सिलिङ सेन्टर भक्तपुरले गरेको थियो । १२ वटा बिद्यालयबाट ५० जना खेलाडी सहभागिता रहेको सो खेलमा स्वर्ग बाल गृह भक्तपुरका खेलाडीहरु प्रथम सुस्तमनस्थति कल्याण बिद्यालयका खेलाडीहरु दोस्रो त्यस्तै गरेर दिवा कक्षा केन्द्रका खेलाडीहरु तेस्रो हुनुभएको थियो ।
बिजयी खेलाडीहरुलाइ महिला बाल बालिका अधिकारी निला कुमारी घिमिरेबाट पुरस्कार बितरणगर्नुहुदै यो खेलले भक्तपुरमा रहेका बहुअपाङ्गता मस्तिष्क पक्षाघात र मस्कुलर डिस्ट्रोफि भएका व्यक्तिहरुको स्वस्थ जीवनमा सकारात्मक परिवर्तन ल्याउने बताउनुभयो ।उक्त कार्यक्रममा नेपाल बोसिया संघका अध्यक्ष गोमा देवी पौडेल सि वि आर भक्तपुरका प्रमुख रमेशलाल श्रेष्ठ लगायतले बोसिया खेल बिकासमा हामी सबै मिलेर अगाडि लानु पर्ने र खेलकुद सबैका लागि आवश्य रहेको बताउनुभयो । मानव बिद्यागृहका प्रिन्सिपल बाबुकृष्ण रन्जितले सन्चालन उक्त कार्यक्रमको स्वागत सि वि आर संस्थाकी बिद्याराज भण्डारीले गर्नुभएको थियो ।
प्रथम स्वर्ग बाल गृह
द्धितिय ससुस्तमनस्थति कल्याण बिद्यालय
तृतिय दिवा कक्षा केन्द्र दुवाकोट
