बुटवल-पाल्पाको तिनाउ गाउँपालिका वडा नं. ३ मा रहेको सिद्धबाबा मन्दिर बिकास समितिले शिवरात्रीको दिन बुटवलको योगीकुटीदेखि सिद्धबाबासम्म बस सेवा सञ्चालन गर्ने भएको छ ।नीजि बस व्यबसायीसंग सहकार्य गरेर बिहानैदेखि मध्यान्न १२ बजेसम्म भक्तजनलाई सुविधान दिनकालागि ४ वटा बस सेवा सञ्चालन गर्न लागिएको मन्दिर बिकास समितिका अध्यक्ष दलबहादुर गुरुङ्ले जानकारी दिनुभयो ।यहि फागुन १ गते परेको शिवरात्रीमा सिद्धबाबामा बिशेष मेला लाग्ने भएकोले भक्तजनको समेत भिडभाड हुनेहुँदा भक्तजनलाई दर्शनकालागि सहज व्यबस्थापन मिलाईएको पत्रकार सम्मेलनमा जानकारी गराईएको हो ।
मन्दिर जान पनि समस्या नहोस भन्नकालागि छुट्टै बस सेवा सञ्चालन गर्न लागिएको र मन्दिरमा गएपछि समेत दर्शन गर्न अफ्ठ्यारो नहोस भनेर सहज रुपमा दर्शन गर्ने वातावरण बनाईएको बताईएको छ । त्यस्तै मन्दिर परिषरमा हेल्प डेस्क, प्राथमिक उपचार केन्द्र समेत राखिने उहाँले बताउनु भयो ।अंघिल्लो वर्ष शिवरात्रीमा सिद्धबाबामा दर्शन गर्नकालागि २८ जिल्लाबाट करिव १२ हजार जना आएका थिए भने यो वर्ष अझै बढ्न सक्ने अनुमान गरिएको छ । बिकास समितिका अनुसार सिद्धबाबामा वार्षिक सरदर २० हजार जनाले दर्शन गर्दछन् ।
पत्रकार सम्मेलनमा कोषाध्यक्ष तथा उक्त वडाका वडा अध्यक्ष प्रेम पाण्डेले मन्दिरमा दर्शन गर्न आएका भक्तजन तथा दानबिरहरुबाट गत आर्थिक वर्षमा करिव साढे ४३ लाख रुपैंया दान संकलन भएको जानकारी गराउनु भयो ।
२०८१ मंसिर २९ - शनिबार
