काठमाडौं । माघ २८ । कम शुल्क र गुणस्तरी शिक्षा दिंदै आइरहेको काठमाडौंको तारकेश्वर १० स्थीत इमेल हाइस्कुलले विद्यालयको प्राङगणमा विरुवा रोपेर आज १३ औं वार्षिकोत्सब मनाएको छ ।
सामान्य औपचारीक कार्यक्रमका बिच विद्यालय व्यवस्थापन समिति, विद्यार्थी र शिक्षकरुका बिचमा विद्यालयले आज १३ औं बार्षिकोत्सब मनाएको हो । २०६२ साल माघ २८ गते स्थापना भएको इमेल स्कुल सम्पन्न देखि आर्थिक रुपले विपन्न भएका विद्यार्थीहरुको रोजाइको स्कुल बनेको छ । २०७२ बैशाख १२ र २९ गतेको भुकम्पबाट सुरक्षित भबन, कम्प्युटर ल्याब, डान्सको बिशेष कक्षा लगायत विशेषता रहेको विद्यालयको दावी छ ।
स्कुलको १३ औं बार्षिकोत्सबको अवसमा आज आयोजित कार्यक्रममा बिद्यालयका फाउण्डर प्रिन्सीपल रामगोपाल खडका, विद्यालय व्यवस्थापन समितिका अध्यक्ष इन्जीनियर शंकर अधिकारी, शिक्षक÷अविभावक संघका अध्यक्ष हरि उप्रेती लगायतले विद्यालयको प्राङगणमा विरुवा रोपेर बार्षिकोत्सबको सुभारम्भ गरेका थिए ।
कार्यक्रममा बोल्दै बिद्यालयका फाउण्डर प्रिन्सीपल रामगोपाल खडकाले विद्यालयले कम शुल्कमा गुणस्तरीय शिक्षा दिंदै आइरहेको बताँउदै तारकेश्वरमा स्कुलको छुट्टै पहिचान बनेको बताए । स्कुलले १३ औं बार्षिकोत्सब सम्म आइपुग्दा निकै संघर्ष गर्नुपरेको बताँउदै खडकाले शिक्षक,अविभाबक र संस्थापकहरुले विद्यालयलाई सबैको साझा सम्पत्तीको रुपमा स्वामीत्व ग्रहण गरेर अगाडी बढेमा विद्यालयको भविश्य उज्वल रहेको बताए ।
कार्यक्रममा विद्यालय व्यवस्थापन समितिका अध्यक्ष एवं संस्थापक इन्जीनियर शंकर अधिकारीले विद्यालयलाई व्यवसाय भन्दा पनि सेवामुलक संस्थाको रुपमा विकास गदै लगिएको बताए ।
शिक्षक अविभावक संघका अध्यक्ष हरि उप्रेती, शिवपुरी मिडीया नेटवर्कका अध्यक्ष रबिन थपलिया, विद्यालयका संस्थापक सदस्यहरु हरी बा घले,प्रभा अधिकारी, प्रतिमा घले, सिता घले लगायतको उपस्थीति रहेको थियो ।
कार्यक्रममा विद्यालयमा कक्षा १ देखि ९ सम्म प्रथम, द्धितिय र तृतिय हुने विद्यार्थीहरुलाई शिवपुरी मिडीया नेटवर्कका अध्यक्ष रबिन थपलियाले पुरस्कार वितरण गरेका थिए ।
२०८० मंसिर २१ - बिहीबार
