माघ,२५/ गरिब तथा जेहेन्दार बालबालिकाको सहयोगार्थ सुनौलो सपना नेपाल एक सामाजिक सस्थाले गत माघ २३ गते काठमाण्डौ जमल स्थित राष्ट्रिय नाचघरमा एक सांगितिक कार्यक्रम सम्पन्न गरेको छ । अष्ट्रेलिया अध्ययन गर्न जान चाहने विद्यार्थिहरुलाई उचित परामर्श सेवा दिदै आएको बाबा एजुकेशन कन्सल्टेन्सिको प्रस्तुतिमा हेल्पिङ हेयान्डस् चिल्ड्रेन होमका गरिब बालबालिकाको सहयोगार्थ सो कार्यक्रमको आयोजना गरिएको हो ।
कार्यक्रममा बिबिध सांस्कृतिक मनोरन्जन र मिस ग्रेस काठमाण्डौ- २०१८ को फिनाले सम्पन्न भएको थियो । जसमा जाम्बु शेर्पाले ‘ मिस ग्रेस काठमाण्डौ २०१८’को उपाधि हासिल गरेकी थिइन् भने रेखा भट्ट फस्ट रनरअप,आशा पौडेल सेकेण्ड रनरअप र श्रद्दा राजभण्डारी ब्राण्ड एम्बेसडर बन्न सफल भएका छन । कार्यक्रमलाई ईपि एजुकेशन अष्ट्रेलिया प्रायोजन गरेको थियो भने सीम्रन म्युजिक र गाम बेशि दोहोरी साँझ ठमेलले पनि कार्यक्रमलाई सहयोग गरेको थियो ।
त्यस्तै गरी समाजसेवी धर्म सिंह, रुपा बलामी, गायक बिश्वो आरके को नि सहयोग प्राप्त भएको थियो । कार्यक्रममा राष्ट्रिय ख्याति प्राप्त कलाकार रोज मोक्तान, महादेब त्रिपाठि, रोमा न्यौपाने, मोटु पत्लु क्रिउ, बिनुप सुनुवार राई, डान्सिङ स्टार क्रिति पौडेल लगायतका कलाकारहरुको सांगीतिक प्रस्तुति रहेको थियो ।
२०८१ चैत्र ५ - मंगलवार
