काठमाडौं-निर्मात्री तथा नायिका श्वेता खड्काद्वारा निर्मित फिल्म कान्छी आज शुक्रबारदेखि अल नेपाल रिलिज हुने भएको छ। काया फिल्म्स् प्रालिको प्रस्तुतिमा श्वेता खड्काद्वारा प्रस्तुत तथा शैलेश खड्काद्वारा निर्मित यो फिल्म पारिवारिक प्रेमकथाको सांगीतिक कथा भनिएको छ। यो फिल्मलाई नायक तथा निर्माता स्व. श्रीकृष्ण श्रेष्ठ र नायिका श्वेता खड्काद्वारा निर्मित १०० दिन मनाउन सफल फिल्म कोहीनुरका निर्देशक आकाश अधिकारीले निर्देशन गरेका छन्।
प्रतिक्षित फिल्मका रूपमा हेरिएको फिल्ममा श्वेता खड्का, दयाहाङ राई, आशान्त शर्मा, अनु शाह, कामेश्वर चौरासिया, प्रज्वल सुजल गिरी, विनोद न्यौपाने, भूमिका श्रेष्ठ, रमेश अधिकारी, जयनन्द लामा, निर शाहलगायतले प्रमुख भूमिकामा अभिनय गरेका छन्। रविन खड्का सह–निर्माता रहेको फिल्ममा लेखन यम थापा, संगीत अर्जुन पोखरेल र राजनराज शिवाकोटी, नृत्य वसन्त श्रेष्ठ, द्वन्द्व हिमाल केसी, छायांकन पुरुषोत्तम प्रधान तथा सम्पादन वनिष शाह र भुपेन्द्र अधिकारीको रहेको छ।
यसको चरी चट्ट परी बोलको गीतले रिलिजअघि नै लोकप्रिय भएको छ। संगीतकार राजनराज शिवाकोटीको संगीत रहेको यो गीतले १ करोड बढी भ्युज पाएको थियो।
२०८२ बैशाख ५ - शुक्रबार
