काठमाडौं- पत्रकार ऋषि धमलाकी पत्नी एलिजा गौतम अभिनित चलचित्र अनुरागको ‘कान्छा दाइ गाना बजाइदेउ न’ बोलको गीत सार्वजनिक गरिएको छ । उक्त गीतमा एलिजा र सरोज अधिकारीको नृत्य रहेको छ ।तराप्रकाश लिम्बुको संगीत रहेको उक्त गीतमा ममता गुरुङको शब्द, ताराप्रकाश र ममताको स्वर रहेको छ |
साथै उक्त गीतको भिडियोमा विक्रम स्वारको कोरियोग्राफी रहेको छ ।गीत सार्वजनिकसँगै ‘अनुराग’को रिलिज मिति आउँदो जेठ ११ गतेलाई तोकिएको छ ।सत्यराज चौलागाई निर्देशन रहेको उक्त चलचित्रमा एलिजासहित समुन्द्र पण्डित, ठिलेन लामा, सरोज खनाल, रुपा राना, राजाराम पौडेल, शिशिर राना, मोहोन निरौला, विश्व बस्नेत लगायतका कलाकारको अभिनय छ ।
२०८१ भाद्र २६ - बुधबार
