सुरक्षा भट्टराई/ काठमाडौँ – राजधानीको नयाँबानेश्वर चोक पुग्दा रातीको दश बजिसकेको थियो । बजार लगभग बन्द भइसकेको थियो । तर, कोटेश्वरतर्फ जाने मदन भण्डारी मार्गको छेउमै रहेको चिया पसलमा भने चहलपहल थियो ।
एक जना अधबैंसे महिला चिया बेच्दै थिइन् । हामी पनि त्यहाँ चिया पिउनकै लागि पुगेका थियौं अनौपचारिक संवादकै क्रममा ती महिलाले खुलाइन् उनी त्यहाँ रातभर चिया बेच्ने गर्छिन् ।
रात परेदेखि बिहान ६ बजेसम्म चिया बनाएरै बिताउने ती महिलाको दैनिकी रोचक लागेपछि हामीले चासो दियौं । नाम गोमा थापा मगर, घर हेटौंडा हाल काठमाडौँमा छोरा छोरी र श्रीमान सँग बस्दै आएकी । ती चियावाली दिदीको संक्षिप्त परिचय यत्ति हो । श्रीमान्ले क्याटरिङको काम गदै आएका छन् । छोरीले स्नातक पढ्दै छिन् र छोराले १२ कक्षामा पढ्दै छन् । छोराछोरीलाई पढाउने र घर खर्च आफैले धान्दै आएको पनि उनले सुनाइन् ।
विगत दश वर्षदेखि चिया बेच्दै गर्दा उनले अनेकौं कष्ट सहेकी छिन्, अनेक किसिमका मानिसहरु भोगेकी छिन् । समाजले कुदृष्टिले हेर्ने गरेकोप्रति उनको गुनासो छ । यो दश वर्षमा आफूले निकै दु.ख भोगेको सुनाउँदै गर्दा दिदी भावुक भइन् । महिला भएर पनि आँट गरेर रातीको जाडो, निद्रा नभनेर उनले चिया बेच्दै आएकी छन् । उनै गोमा दिदीसँग डिसी नेपालले कुराकानी गरेको छ ।
हेर्नुस पूरा भिडियो :
२०८१ माघ ९ - बुधबार
