पाँचौ जिल्लास्तरीय शिन क्योकुशिन कराँते प्रतियोगिता- २०७७ भब्य रूपमा सम्पन्न( खेलाडीहरुको नामावली सहित)अन्तर्राष्ट्रिय नारी दिवस अवसरमा राष्ट्रिय नागरिक बिकास समाज द्वारा भब्य कार्यक्रम सम्पन्नआज प्रतिनिधिसभाको बैठक बस्नेआजदेखि नेपालमा ६५ वर्षभन्दा माथिका ज्येष्ठ नागरिकलाई कोरोनाविरुद्धको खोप दिइँदैसुन न सरकार!!बालुवाटार र ग्रेट हिमालयको विजयी सुरुवातहेर्नुस् आज २०७७ फागुन २३ गते,आइतवार को राशिफलकवि रामचन्द्र तिम्सिनाको "भेंडाहरुको शहर" नामक कविता संग्रहको कभर सार्वजनिकरिपोर्टर्स क्लबमा धर्मेन्द्र बास्तोला, भन्छन्–मुख्य÷मुख्य विषयमा जनमतसंग्रह गरिनुपर्छ ‘हामीसँग हतियार छैन्, हामीले हतियारको कुरा गरेको होईन्’हेर्नुस् आज २०७७ साल फागुन २२ गते,शनिवारको राशिफल

अपाङ्गता भएका महिलाका लागि बोसिया खेल तथा पुरस्कार वितरण ।

न्यूजलाईन्स् मिडिया संवाददाता
प्रकाशित मिति : १५ फाल्गुन २०७४, मंगलवार १५:१०

फागुन १५  काठमाडौं । अपाङगता भएका महिलाका लागि आयोजित बोसिया खेल प्रतियोगिता मंगलवार सम्पन्न भएको छ । काठमाडौंको भृकुटी मण्डपस्थित नेपाल पर्यटन बोर्डमा आयोजित बोसिया खेल प्रतियोगितामा अपाङगता भएका सोह्र महिला सहभागी भएका थिए । अमेरिकी दुतावास एइआईएफ परियोजना अन्तर्गत अपाङगता भएका महिलाका लागि समावेशी खेलकुद शिर्षकमा उनीरुलाई बोसिया खेल खेलाईएको हो । नेत्रहिन क्रिकेट संघ नेपाल र अपाङ्गता भएका व्यक्तिहरुका लागि नेपाल बोसिया संघद्वारा सिपि मस्तिष्क पक्षघात एवं मस्कुलर डिस्ट्रोफी, स्पाइना बिफिडा, सिवियर स्पाइनल त्यसमा पनि अति अपांगता भएका महिलाहरुका लागि संयुक्त रुपमा खेलको आयोजना गरिएको थियो । खेलकुद समारोहमा प्रमुख अतिथिको रुपमा रहेका राष्ट्रिय खेलकुद परिषद खेलकुद प्रतिष्ठानका निर्देशक नविन उप्रेतीले बोसिया खेलको विकासका लागि राष्ट्रिय खेलुकद परिषद खेलकुद प्रतिष्ठान सधै सकारात्मक रहने बताए । परिषदले खेलकुदलाई हरेक नागरिकमा पुर्याउने लक्ष्य राखेकाले भिन्न क्षमता भएका नागरिकको खेल खेल्ने चाहना, क्षमता र प्रतिभाको कदर गर्नुपर्ने तर्क उनले राखे । उनले भने अपाङगता भएका व्यक्तिहरु खेल्न सक्ने बोसिया खेलको विकासका लागि हामी कुनै कसर बाकी राख्दनौं, त्यसका लागि सरोकारवाला अन्य निकायसंग हातमेलो गर्न हामी तयार छौं । कार्यक्रममा राष्ट्रिय अपाङ्ग महासंघकी उपाध्यक्ष टिका दाहालले यस्ता खेलको आयोजनाले शारीरिक एवं मानसिक स्वास्थमा सहयोग पुग्ने उल्लेख गरिन ।

यसले अपाङगता भएका व्यक्तिमा त उर्जा एवं हौसला प्राप्त हुन्छ नै त्यसका अतिरिक्त अभिभावकमा समेत छोराछोरीप्रतिको आस्था एवं माया बढेर जाने दाहालले बताईन । नेपाल पाराओल्पिक कमिटिका अध्यक्ष दीपक कोइरालाले खेलका माध्यमवाट पनि अपाङगता भएका व्यक्तिको क्षमता उजागर गर्न एवं सरोकारवाला सवैलाई जागरुकता प्रदान गर्न सकिने बताए । एइआइएफ की गु्रप मेम्वर नविना ज्ञवालीले अपाङगता भएका व्यक्तिका लागि बोसिया खेल खेलाउने रचनात्मक कार्यमा सहकार्य गर्न पाएकोमा धन्यवाद प्रकट गरिन । नेत्रहिन क्रिकेट संघ नेपाका अध्यक्ष पवन घिमिरेले खेलका माध्यमवाट पनि अपाङगता भएका व्यक्तिको मनोविज्ञानलाई बलियो पार्न सहयोग पुग्ने बताए । अपाङ्गता भएका व्यक्तिहरुका लागि नेपाल बोसिया संघकी अध्यक्ष गोमादेवी पौडलले खेलको समापन गर्दै बोसिया गेम विश्वका ५० भन्दा बढि देशमा प्रचलित भएपनि नेपालमा अझै पनि नयां जस्तो भएको बताईन । पौडेलले बोसिया खेलको प्रर्वद्वनका लागि सरोकारवाला सवैलाई हातेमालो गर्न अपिल गरिन । खेलमा सहभागी १६ खेलाडीलाई प्रमाणपत्र तथा मेडल प्रदान गरिएको थियो । कार्यक्रमको संचालन अपाङ्गता भएका व्यक्तिहरुका लागि नेपाल बोसिया संघकी महासचिव देवकला पराजुलीले गरेकी थिईन

फेसबुक प्रतिक्रिया
सम्बन्धित शीर्षकहरु