सूचना तथा सञ्चार प्रविधि राज्यमन्त्री गोकुल बाँस्कोटाले आम संचार ऐन छिट्टै कार्यान्वयनमा आउने बताउनु भएको छ । आज राजधानीमा सामूदायिक रेडियो प्रशारक संघको १८ औं स्थापना दिवसको अवसरमा काठमाडौंमा भएको कार्यक्रममा राज्मन्त्री बाँस्कोटाले सो कुरा बताउनु भएको हो ।
कार्यक्रममा मन्त्री बाँस्कोटाले सामुदायिक रेडियोले दर्गम र्गाउमा बसोवास गर्ने र सुचनाको पंहुचबाट टाढा रहेका बस्ति र जनमानसमा रेडियो मार्फत् सही सुचना प्रवाह गरेको बताउँनुभयो ।
कार्यक्रममा राष्ट्रिय सभाका उपाध्यक्ष तथा सामुदायिक रेडियो प्रसारक संघका उपाध्यक्ष सशिकला दाहालले नेपालमा सामुदायिक रेडियोको जन्म हुनु अघि सरकारी संचार माध्यम रेडियो नेपालको बर्चस्व रहेको र तर अहिले त्यो अवस्था नरहेको बताउँदै गाउँ गाउँका जनतालाले सामुदायिक रेडियो मार्फत् सही सुचना प्राप्त गरेको बताउनु भयो ।
कार्यक्रममा काठमाण्डौ महानगरपालिकाका प्रमुख विद्या सुन्दर शाक्यले नेपालमा स्थानीय तहद्धारा सामुदायिक एफ.एम. रडियो संचालन गर्ने काठमाडौं महानगरपालिका पहिलो स्थानीय तह भएको उल्लेख गर्दै काठमाडौं महानगरपालिकाले आफनो रेडियोबाट आम्दानी नगरे पनि रेडियो मार्फत् सुचना प्रवाह गरेको बताउनु भयो । यसैगरि प्रमुख शाक्यले महानगरले आफनो रेडियोलाई सही व्वयस्थापन गर्न नसकेको पनि बताउनु भयो ।
कार्यक्रममा बीरगन्ज महानगरपािलकाका प्रमुख विजय कुमार सरावगीले आफु पनि लामो समय देखि सामुदायिक रेडियोसंग जोडिएकोले सामुदायिक रेडियो सर्वसुलभ रुपमा सवैभन्दा बढी सुचना प्रवाह गर्ने माध्यम रहेको बताउनु भयो ।
कार्यक्रमा पुर्व शिक्षा मन्त्री तथा सांसद गंगालाल तुलाधरले सामुदायिक रेडियोहरुले विशेष गरी नेपालमा गएको भुकम्पको समयमा विपद व्यवस्थापनमा सुचना तथा समाचार प्रसारण गरी उल्लेख्य भुमिका निर्वाह गरेको बताउनु भयो ।
कार्यक्रममा गाँउपालिका महासंघका अध्यक्ष तथा सांसद घनश्याम खतिवडा, नेपाल नगरपािलका संघका संयोजक एवम् धुलिखेल नगरपािलकाका प्रमुख अशोक बेञ्जु, सामुदायिक रेडियो प्रसारक संघका पुर्व अध्यक्ष मीन बहादुर शाही, प्रशासकीय अदालतका अध्यक्ष काशीराज दाहाल लगायतले सामुदायिक रेडियोको वार्षिक दिवसलाई शुभकामना दिंदै नेपालमा सामदायिक रेडियोको भुमिका र योगदान सराहनीय रहेको बताएका थिए ।कार्यक्रममा नेपालमा सामुदायिक रेडियोको विकासमा योगदान पुन्याए बापत राष्ट्रिय सभाका उपाध्यक्ष सशिकला दाहाल र काठमाडांै महनगरपालिकाका सुचना तथा प्रविधि विभागका महाशाखा प्रमुख हरि कुमार श्रेष्ठलाई सम्मान गरीएको थियो । नेपालमा हाल करिब ३ सय १५ वटा सामुदायिक रेडियो सञ्चालनमा रहेका छन ।
२०८१ आश्विन २७ - आईतवार
