धनगढी-धनगढीको चौरहामा नेत्रविक्रम चन्द ‘विप्लव’ नेतृत्वको नेकपामा कार्यकर्ता र प्रहरीबीच दोहोरो झडप भएको छ |शनिबार जनआन्दोलन दिवसको अवसर पारेर सरकार विरुद्ध भण्डाफोर तथा प्रतिरोध कार्यक्रम गरिरहेका नेकपाका कार्यकर्ता र प्रहरीबीच धनगढीको चौराहमा झडप भएको हो। झडपमा परेर नेकपाका १५ कार्यकर्ता घाइते बनेको एक नेकपाका जिल्ला नेताले जानकारी दिए।
नेकपाले आफूहरुको कार्यक्रममाथि प्रहरीले हस्तक्षेप गरेर आफ्ना कार्यकर्ता घाइते हुनेगरी कुटपिट गरेको आरोप लगाएको छ। उसले दोहोर झडप भन्दै प्रहरीले आफ्ना कार्यकर्तामाथि खोजीखोजी आक्रमण गरेको बताएको छ।यता प्रहरीले भने प्रशासनको अनुमतिविना कार्यक्रम सञ्चालन गरेको, सडक अवरुद्ध गरेको र रोक्न खोज्दा प्रहरीमाथि नै आक्रमण गरेको जनाएको छ।प्रहरीले १५ जनालाई नियन्त्रणमा लिएको जिल्ला प्रहरी कार्यालय कैलालीले जनाएको छ।
२०८१ आश्विन २७ - आईतवार
