काठमाडौं, । युवा अपाङ्ग संगठन नेपालले अपाङ्गता भएका व्यक्तिहरुलाई सहयोग सामग्री वितरण गरेको छ ।
सहायक सामग्री वितरण गोकर्णेश्वर नगरपालिका वडा नं ६ का वडा अध्यक्ष रमेश अर्यालको प्रमुख आतिथ्यतामा भएको थियो ।
कार्यक्रममा बोल्दै अर्यालले अपाङ्गता भएका व्यक्तिहरुको हकहितका पक्षमा कार्य गर्न वडा सदा तत्पर रहेको धारणा व्यक्त गर्नु भयो । कार्यक्रमलाई गोकर्णेश्वर नगरपालिका वडा नं ५ का वडा सदस्य नवराज लामा, बौद्ध प्रहरी वृतका प्रहरी निरीक्षक केशव बस्नेत, नेपाल अपाङ्ग संघका महासचिव यज्ञ प्रसाद उप्रेती, समाजसेवी एवम सहयोग सामग्री दाता किन्जो ओमु लामा, मिंगमार लामा लगायतले सम्बोधन गर्नु भएको थियो ।
कार्यक्रममा अपाङ्गता भएका व्यक्तिहरुलाई ह्विलचेयर, सेतो छडी र बैशाखी वितरण गरिएको थियो । कार्यक्रम संस्थाका अध्यक्ष प्रकाश श्रेष्ठको अध्यक्षतामा भएको थियो ।
२०८१ चैत्र ५ - मंगलवार
