२०८१ भाद्र २६ - बुधबार
च्याङ्वा लामाको इतिहास
नेपाली ग्ल्यामर फोटोग्राफीमा धेरै फोटोग्राफरहरुको नाम अग्रपंक्तीमा आउने गरेका छन् र आउने क्रममा पनि रहेका छन्। ग्ल्यामर फिल्डमा धेरै काम गरेर पनि चुपचाप बेखबर बनिरहेका खवरभित्रका खवर ग्ल्यामर फोटोग्राफर च्याङ्वा लामा हुन्। च्याङ्वा लामाको ग्ल्यामर फोटोग्राफीले अढाई दशक नाँघ्ने तर्खरमा पुगिसकेको छ।यतिधेरै बर्ष पुगिसक्दा पनि नाम भन्दा काममा अत्यन्त व्यस्त बनेका बेखबर च्याङ्गवा लामा यसो हुनुमा आफै व्यस्त भएर होला भन्न चुक्दैनन्। तथापि, च्याङ्गवा लामालाई नजिकवाट बुझ्नेहरु सरल तथा निडर स्वभावका च्याङ्गवा नामजस्तै मायालु देखिन्छन्।
च्याङ्वा लामा
जोसँग फोटो खिचाउने ग्ल्यामर क्षेत्रका कलाकारहरु सकेसम्म च्याङ्गवालाई नै खोजी–खोजी फोटो खिचाउन मरिहट्टे गर्ने गर्छन्। यसो हुनुको पछाडि च्याङ्वाको ग्ल्यामर फोटोग्राफीको कमाल नै हो। जीवन्त फोटो खिच्न जुनसुकै एंगल तथा फ्रेमिङ्ग गर्नपनि तत्काल जानेका च्याङ्वा फोटोग्राफीमा निक्कै सरलता र सहजता खोज्ने फोटोग्राफर भएकाले पनि च्याङ्गवामा कलाकारहरु आकर्षित बनेका हुन्।
कयौं बर्ष नेपालका टप भनिएका ग्ल्यामर फोटोग्राफर राजीव श्रेष्ठको असिस्टेन्ट फोटोग्राफर बनेर कार्य गरेको बताउने च्याङ्वा राजीव श्रेष्ठकै कारण ग्ल्यामर फोटोग्राफर बनेका हुन्।कसैको फोटोग्राफीको फ्रेमिङ्ग गर्नुपरेमा काठमाडौको बानेश्वर बुद्धनगरस्थित च्याङ्वाको सीवी फोटो ग्यालरी पुग्ने गर्दछन्। जहाँ नेपालका एक -एक कलाकारहरु पनि आ–आफ्ना फोटोका फ्रेमिङ् गर्ने र गराउन व्यस्त बन्ने गरेको पाइन्छ।मेहनत र इच्छाशक्तिले बनेका च्याङ्वाको आफ्नै पहिचान र सोच रहेको छ। सोही पहिचान र सोचअनुरुप उनी अगाडि बढ्रिहेका छन्। जुन च्याङ्वाको आफ्नै मर्जी हो। आफ्नै मर्जीमा काम गर्नुको मज्जा नै बेग्लै भएको च्याङ्वाको भनाई रहेको छ।
च्याङ्वा लामालाई सम्पर्क गर्ने फोन नंबर-९८५११९१३५४९८४१६३१३५४०१४७८२१२७
