दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

प्रदेश ५ को गुरुयोजनामा ‘जितगढी किल्ला’

न्यूजलाईन्स् मिडिया संवाददाता
प्रकाशित मिति : २०७५ जेष्ठ २३ गते, बुधबार १०:४५

बुटवल -प्रदेश ५ का मुख्यमन्त्री शंकर पोखरेलले बुटवलको जितगढी किल्लालाई राष्ट्रिय स्वाभिमान र वीरताको सम्पदाको रुपमा संरक्षण गर्ने गरी गुरुयोजना बनाउन निर्देशन दिएका छन् ।उद्योग, वन, पर्यटन र वातावरण मन्त्रालयले विश्व वातावरण दिवसको अवसरमा गरेको योजना तर्जुमा तथा सुझाव संकलन कार्यक्रममा उनले बुटवल उपमहानगरपालिकालाई यस्तो निर्देशन दिएका हुन् ।

मुख्यमन्त्री पोखरेलले जितगढी सम्पदा प्रदेशको मात्र नभई मुलुककै शानका रुपमा रहेकाले यसको संरक्षण जरुरी रहेको बताए । उनले त्यस क्षेत्रमा निर्माण भएका र किल्लाको संरचनामा परेका अन्य सबै संरचनाहरु हटाउन पनि निर्देशन दिएका छन् ।मुआब्जा दिएर त्यहाँका घरहरु अधिग्रहण गरेरै पनि जितगढी सम्पदालाई बचाएर मुलुकको वीरताको शानका रुपमा विकास गर्नुपर्ने मुख्यमन्त्री पोखरेलको भनाइ छ ।

बुटवल उपमहानगरपालिका प्रमुख शिवराज सुवेदीले जितगढी सम्पदाको संरक्षणका लागि गुरुयोजना बनाएर अगाडि बढ्ने काम भइरहेको बताए । नेपाललाई अधिनमा पार्न भन्दै आएको तत्कालीन अंग्रेज सेनालाई नेपाली फौजले वि.सं.१८७१ मा जितगढी किल्लामा पराजित गरेको थियो ।त्यतिबेलाको गढी अर्थात् किल्लाको संरचना अहिले पनि तिनाउ नदी किनारमा रहेको छ । तर, यो अतिक्रमणमा परेको छ ।

नदीले कटान गर्ने र अतिक्रमण भएर स्वरुप नै कुरुप बन्दै गएको छ ।जितगढी सम्पदालाई बचाउनका लागि भन्दै बुटवल उप-महानगरपालिकाले पहिलो पटक यस सम्पदामा विजय उत्सव दिवस समेत मनाएको थियो । त्यति बेलादेखि नै मुख्यमन्त्रीले यसको संरक्षणमा चासो दिंदै आएका छन् ।

फेसबुक प्रतिक्रिया
सम्बन्धित शीर्षकहरु