साजिर मन्सूर/कलैया- फेटा गाउँपालिका वडा नम्बर ४ बतरामा वडा कार्यालयका लागि गाउँपालिका प्रमुख अमीरिलाल साहले ३ कोठे भवनको शिलान्यास गरेका छन ।
वडा नम्बर ४ का जनताहरुलाई कार्यालय भवनको अभावमा सेवा दिन असाध्यै कठिन भएकोले वडाबाट बिनियोजित आयोजना बाट सो वडा कार्यालय भवन निर्माण गर्न लागिएको वडा नम्बर ४ का वडा अध्यक्ष वकिल प्रसाद यादवले बताए । वडा कार्यालय भवनको शिलान्यास भएपछि धेरै खुसी लागेको त्यही वडाका ७५ बर्सिय पाचु मुखियाले बताए ।
वडा कार्यालय बनेपछी यहाका जनता धेरै खुसी हुने अर्का नवलकिशोर महतोले बताए । वडा अध्यक्ष वकिल प्रसाद यादवको अध्यक्षता तथा गाउँपालिका प्रमुख अमीरिलाल साहको प्रमुख आतिथ्यमा भएको शिलान्यास कार्यक्रममा वडा सदस्य रामनाथ साह,गङा मन्डल,केश्वर राउत गिरि,स्वास्थ चौकी इन्चार्ज बडेलाल साह,तुलसी पास्वन लागायत वडाका भद्र भलादमीहरुको उपस्थिति रहेको थियो ।
सन्नी कन्स्ट्रक्सनले निर्माण गर्न लागेको भवन १ महिनामा बनिसक्ने आयोजना सुपरभाइजर उमेश कुमार यादवले बताए ।
