दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

विवादपछि ‘रानी महल’ को छायांकन स्थगित, २० प्रतिशत छायांकनमै २ करोड सकियो !

न्यूजलाईन्स् मिडिया संवाददाता
प्रकाशित मिति : २०७५ असार १९ गते, मंगलवार १४:१८

पूर्व मिस नेपाल निकिता चण्डकको मुख्य भूमिका रहेको चलचित्र ‘रानी महल’ को छायांकन विवादपछि रोकिएको छ । निर्माता वेदप्रसाद भुसाल र प्रोडक्सन डिजाइनर गणेश सापकोटाविचको आर्थिक विवादले छायांकन नै स्थगित भएको हो ।

चलचित्रको कलाकार चयनदेखि अन्य सबै कुरालाई गणेशले हेर्दै आएका थिए । निर्माता भुसालले २० प्रतिशत छायांकन मात्र सकिदा आफ्नो २ करोड खर्च भएको दाबी गरेका छन् । पाल्पाको रानी महलमा चलचित्रको छायांकन सकिएपछि यो विवाद उत्पन्न भएको हो ।

निर्देशक हिमाल न्यौपाने आफ्नो साथी भएकाले चलचित्रमा लगानी गरेको बताउने नयाँ निर्माता भुसालले गणेश सापकोटामाथि बढी विश्वास गर्दा धोका पाएको गुनासो गरेका छन् । उनले ५० लाखको हिसाबमा ७ लाखसम्म वेरुजु देखिएको आरोपसमेत लगाएका छन् ।

प्राविधिकहरुका लागि आफूले पैसा दिए पनि त्यो पैसा सापकोटाले प्राविधिकहरुलाई नदिएको उनको भनाई छ । चलचित्रका निर्देशक हिमाल न्यौपाने पनि निर्माताको पक्षमा देखिएका छन् । उनले, सम्पूर्ण हिसाबको जानकारी बारम्बार लिनुपर्ने रहेछ भन्दै आफूले पाठ सिकेको बताएका छन् । बाँकी ८० प्रतिशत छायांकन इनडोर गर्ने भएकाले एक महिनामा सक्ने उनको भनाई छ ।

यता, चलचित्रका प्रोडक्शन डिजाइनर सापकोटाले भने आफूमाथि लगाइएको आरोप झुटो भएको बताएका छन् । उनले चलचित्रका प्राविधिकहरुलाई आफूले गोजीबाट पैसा दिएको भन्दै त्यो रकम निर्माताले आफूलाई नदिएको खण्डमा चलचित्रको छायांकन नै गर्न नदिने चेतावनी दिएका छन् ।

फेसबुक प्रतिक्रिया
सम्बन्धित शीर्षकहरु