सन्तोष बजगाई
काठमाण्डौं– नुवाकोट लिल्लास्थित बेलकोटगढी नगरपालिका खुल्ला दिशा मुक्त तथा पुर्ण खोप सुनिस्चितता नगरपालिका घोषणा भएको छ । “स्वच्छ, स्वस्थ र सफा हुने आधार, हरियाली नगर, पर्यटन र कृषि सहितको पुर्वाधार’’ भन्ने मुल नाराका साथ बेलकोटगढी नगरपालिका खुला दिसामुक्त घोषित भएसंगै नुवाकोट लिललाका दुई नगरपालिका र १० वटा गाउँपालिका सहित सबै स्थानीय तह खुला दिसामुक्त बनेका छन् ।
असार २१ गते बेलकोटगढी नगरपालिकाको केन्द्र बाघखोरमा आयोजित एक कार्यक्रमका बिच प्रतिनिधीसभा सदस्य नारायणप्रसाद खतिवडाले बेलकोटगढी नगरलाई खुला दिसामुक्त घोषणा गरेका हुन् । यससंगै बेलकोटगढी नगरपालिका पुर्ण खोप सुनिस्चितता नगरपालिकापनि बनेको छ ।
उक्त कार्यक्रममा जिल्ला समन्वय समितिका प्रमुख एवं जिल्ला खानोपनी तथा सरसफाई स्वच्छता समितिका संयोजक सन्तमान तामाङ, बिदुर नगरपालिकाका प्रमुख सञ्जु पंडित, बेलकोटगढी नगरपालिकाका प्रमुख राजेन्द्ररमण खनाल, उपप्रमुख कबिता ढुँगाना, प्रमुख प्रशासकीय अधिकृत लगायतले खुला दिसा मुक्त नगरपालिका घोषणाले समग्र जिल्लालाई नै उर्जा थपिएको भन्दै यसलाई व्यवहारमा रुपान्तरण गर्न सरोकारवालाहरु बिच निरन्तर सहकार्य हुनुपर्ने धारणा व्यक्त गरेका थिए ।
२०८१ मंसिर २५ - मंगलवार
