मोबाइल फोनको बजारमा ९ वटा लेन्स भएको क्यामरा जोडिएको मोबाइल फोन आउने भएको छ । यसअघि तीनवटा लेन्ससहितको क्यामरा भएको मोबाइल फोन बजारमा आएको थियो ।
लाइन नामक एक स्टार्टअप कम्पनीले ९ लेन्सयुक्त क्यामरा सेटअप भएको स्मार्टफोन लञ्च गर्ने जानकारी गराएको हो । यसअघि यो कम्पनीले १६ लेन्सयुक्त क्यामरा प्रणाली प्रदर्शन गरेर चर्चा बटुलेको थियो ।
यी विवरण सार्वजनिक भएसँगै स्मार्टफोनको मुख्य क्यामराको आसपासमा नौ वटा लेन्सलाई कस्तो प्रकारले राखिएको होला भन्ने विषय अश्चर्यजनक बनेको छ ।
प्रोटोटाइप डिभाइसबाट यो खुलासा भएको छ कि क्यामराको वरिपरि वृत्ताकार तरिकाले सोलार सिस्टममा जस्तै गरी लेन्सहरु रहने छन् । यसमा जोडिएका लेन्सको साइज फरक फरक हुने भनिएको छ
। मोबाइलमा जोडिएका ९ वटा लेन्सहरु कुनै पनि वस्तुसँग सम्बन्धित जानकारी तथा विशेषताहरु खिच्न प्रयोग हुनेछन् ।
उत्कृष्ट फोटोग्राफीका लागि यी फोटोग्राफिक विवरणलाई एक अल्गोरिदमका माध्यमबाट प्रोसेसिंग गरिन्छ ।
यस स्मार्टफोनको क्यामराबाट ६४ मेगापिक्सेलको तस्वीर लिन सकिने दाबी कम्पनीले गरेको छ । साथै यसबाट निकै शानदार कम प्रकाशवाला तथा डेप्थ इफेक्टयुक्त फोटो खिच्न सकिन्छ ।
कम्पनीको दाबी अनुसार यो स्मार्टफोनको क्यामराले डिएसएलआर क्यामरालाई पनि प्रतिस्थापन गर्ने क्षमता राख्दछ ।
उत्पादकका अनुशार यो स्मार्टफोनको मूल्य १ हजार ९ सय ५० अमेरिकी डलर हुने बताइएको छ ।
लाइट कम्पनीको लगानीकर्ता मध्येको एक फक्सकोन पनि हो । यद्यपि, यो स्मार्टफोन कहिले लञ्च गर्ने भन्ने चाहीँ खुलासा गरिएको छैन ।
