सन्तोष बजगाई काठमाण्डौं–नेपाली लोकगीत संगीतमा केहि गर्छु भन्ने ठूलो सपना बोेकेकी र निकै सम्भावना भएकी गायिका हुन प्रतिक्षा वाग्ले । उन्ले सांगितिक क्षेत्रमा आफ्ना पाईलाहरु अनवरत रुपमा अगाढि बढाईरहेकी छिन् । यसै मेसोमा पोहोरको तिजमा रातो सारी लरक्कै गीत मार्फत आफुलाई चिनाईसकेकी गायिका प्रतिक्षाले यस वर्षपनि तिजको गीत माईतै गएर बस बजारमा ल्याएकी छिन् ।
समाजमा घटित् र घट्न सक्ने घटनाहरुलाई केन्द्रित गरि तयार पारिएको माईतै गएर बस् बोलको यस गीतले समाजमा सन्देश प्रवाह गर्न खोजेको छ । यस गीतको लय तथा शव्द उज्जवल गिरिको रहेको छ भने स्वरमापनि उनैले गायिका प्रतिक्षालाई साथ दिएका छन् ।
अहिलेको निकै व्यस्त मोडल अन्जली अधिकारीले अभिनय गरेको यो गीत अरु गीतहरु भन्दा फरक रहेको गायिका प्रतिक्षाले बताईन् । यस गीत मार्फत गायिका प्रतिक्षाको चर्चा चुलियोस् र गीतलेपनि सोचेजस्तै सफलता प्राप्त गरोस् शुभकामना ।
२०८१ आश्विन २० - आईतवार
