पोखरा : प्रधानमन्त्री केपी शर्मा ओलीले पोखरास्थित निर्माणाधीन क्षेत्रीय अन्तर्राष्ट्रिय विमानस्थलको निरीक्षण गरेका छन्। पोखरा विश्वविद्यालयको १९औँ वार्षिक साधारणसभा समारोहका लागि बिहीबार पोखरा आएका प्रधानमन्त्रीले निर्माणाधीन विमानस्थल निरीक्षण गरे। त्यस अवसरमा निर्माण भइरहेका कामबारे प्रधानमन्त्रीले जानकारी लिएका हुन्। पोखरा क्षेत्रीय अन्तर्राष्ट्रिय विमानस्थल निर्माण आयोजनाका प्रमुख विनेश मुनकर्मीले भइरहेका निर्माण कार्यबारे प्रधानमन्त्रीलाई जानकारी गराएका थिए। निरीक्षण क्रममा संस्कृति, पर्यटन तथा नागरिक उड्डयनमन्त्री रवीन्द्र अधिकारी, गण्डकी प्रदेशका मुख्यमन्त्री पृथ्वीसुब्बा गुरुङ लगायतको उपस्थिति थियो। तस्विरहरुः
