काठमाडौं–नेपाली मौलिक कला संस्कृतिको संरक्षण विकास र पर्यटन प्रवद्र्धनमा हाम्रो अभियान’ भन्ने नारा लिएर करिव चार वर्ष अगाडी स्थापना भएको सामाजिक संस्था दर्शक श्रोता नेपालको तेस्रो साधारण सभा यहि श्रावण १२ गते शनिवार काठमाडौंमा सम्पन्न हुने भएको छ ।
उक्त कार्यक्रममा आगामी वर्षको वार्षिक कार्य योजना निर्माण, आव २०७४/७५ को लेखापरिक्षण प्रतिवेदन पारित गर्ने, कार्यसमितिमा केहि हेरफेर गर्ने लगायतका प्रस्ताव पेश गरिने संस्थाका अध्यक्ष केशव भट्टले जानकारि दिए ।
त्यस्तै, साधारण सभामा सभाको उद्घाटन कार्यक्रममा संस्थाका संस्थापक सदश्यहरुलाई सम्मान गरिने र प्रमाण पत्र लिन वांकि आजिवन सदश्यहरुलाई सम्मान पत्र र आजिवन सदश्यताको प्रमाण पत्र प्रदान गरिने संस्थाका उपाध्यक्ष सन्तोष बजगाईले बताएका छन् ।
सम्मान पत्र प्रदान गरिनेहरुमा संस्थाका संस्थापक सदस्यहरु रहने छन् । तत्कालिन कार्यसमीति अध्यक्ष केशव भट्ट, उपाध्यक्ष सन्तोष बजगाई, महासचिव केशर विश्वकर्मा, सचिव पार्वती तीवारी, कोषाध्यक्ष भवानी राउत, सह–कोषाध्यक्ष रञ्जना अधिकारि र सदश्यहरुमा सविना सिवाकोटि, भरत विश्वकर्मा, जीवन थापा, जीत वहादुर राई र पृथ्वी पुलामी मगर रहेका छन् ।
त्यस्तै सो अवसरमा २०७५ असार मसान्तभित्र सदश्यता नविकरण गराउने सवै सदश्यहरुलाई संस्थाको तर्फवाट परिचय पत्र प्रदान गरिने र संस्थाको आधिकारिक वेभसाईट समेत सार्वजनिक गरिने संस्थाका महासचिव केशर विश्वकर्माले जानकारि दिए । महासचिव विश्वकर्माका अनुसार संस्थाको वेभसाईट निर्माण गर्ने कम्पनी क्यानोपस टेक्नोलोजीलाई समेत सम्मान गर्ने कार्यक्रम रहेको छ ।
साधारण सभा मा सहभागी हुन सवै विभाग तथा संस्थाका जिल्ला समितिहरुलाई खवर गरिसकेको संस्थाले जनाएको छ । दर्शक श्रोता नेपालले विगत देखि नै नेपाली गीत संगीतको क्षेत्रमा आएका विकृतिहरु न्युनिकरण गर्ने तर्फ र गीत संगीतमा पनि अनिवार्य सेन्सर वोर्ड हुनु पर्छ भन्दै आवाज उठाउँदै आएको छ ।
२०८१ आश्विन २२ - मंगलवार
