नेपाली मौलिक कला संस्कृतिको संरक्षण र दिगो विकासका लागि हाम्रो अभियान” भन्ने मुल नाराका साथ विगत केहि वर्ष अघि स्थापना भएको दर्शक श्रोता नेपाल नेपाली सांस्कृतिक अभियान हो । दर्शक श्रोता नेपालको स्थापना नेपाली कला संस्कृतिको क्षेत्रमा आएको विकृति, छाडापन र विसंगतीको विरुद आवाज बुलन्ध गर्न समाजसेवामा कृयाशिल तपाई हाम्रै पहलमा भएको थियो । र स्थापना देखि नै यस संस्थाले विकृति समाजमा नपच्ने खालका व्यवहारको सार्वजनिक रुपमा विरोध गर्दै आएको ईतिहास स्मरण गराउन चाहान्छौ । समाजमा आएका विकृतिको विरुद हिजोको दिनमा बोल्दा विशेष गरेर विकृति जन्य अपच्य गीतहरुको विरुद बोल्दा कयौं धम्की तथा असहयोगको बाबजुत पनि कहिल्यै पछि नहटि निरन्तर रुपमा विकृतिको विरुद लागेको त्यस क्षणको दर्शक श्रोता नेपाल र आम नेपाली नागरिक जस्लाई हाम्रो कला संस्कृतिको अत्यन्तै माया छ उहाँहरुले कदापी भुल्नुहुने छैन ।

हिजोको विशम परिस्थितिमा रतिभर नडराई निरन्तर विकृति र विसंगतीको विरुद बोल्नुको परिणाम आज हामी यो स्थानसम्म आएका छौं । र यसको मुल्यांकन ईतिहासले अवस्य गर्ने छ ।

विगतका दिनमा नेपाली लोक गीत संगीत क्षेत्रमा आएको व्यापक विकृतिको अन्त्य गर्न राज्यस्थरबाटै व्यापक पहलको खाँचो महसुस गर्दै दर्शक श्रोता नेपालले काठमाण्डौको हरेक चोक र गल्लिहरुमा पर्चा वितरण गरि एक महिने हस्ताक्षर अभियान नै सञ्चालन गरि त्यो हस्ताक्षर संस्कृति मन्त्रालयमा बुझाएका थियौं । त्यसैको परिणाम स्वरुप हाम्रो मागको बारेमा राज्य अतयन्तै सम्वेदनशिल बनि गीत संगीत क्षेत्रमा सेन्सर बोर्डको आवश्यकता महशुस गरि यस क्षेत्रमा केहि कदम अघि बढाएको छ र यसमा हाम्रो निरन्तर खवरदारीको अहिलेपनि उतिकै खाँचो रहेको छ । यो काम ईतिहासमै पहिलो र सफल एवं सहासिक कार्यको रुपमा हाम्रो संस्थाले मुल्यांकन गरेको छ । ईतिहासमा यस्तो कार्य यसअघि कहिँ कतै र कसैबाटपनि भएको थिएन । यो कार्यको सुरुवात हामीबाटै भएकोमा हामी निकै गर्व महसुस गछौं ।

मौलिकताको संरक्षण गरि सकारात्मक संस्कृतिलाई जोगाईराख्नु हाम्रो परम कर्तव्य हो । सोहि कर्तव्य पुरा गर्न हामीले विगत र वर्तमानमापनि उतिकै कार्यहरु गर्दै आएका छौ र आगामी दिनहरुमापनि यसलाई निरन्तरता दिनेमा हाम्रो प्रतिवद्धता जाहेर गर्दछौं ।

केहिवर्ष अघि तीजगीतको नाममा समाजलाई अतिरन्जीत पार्ने किसिमको भिडियो म्यूजिक नेपालले आफ्नो च्यानल मार्फत सार्वजानीक गरेकोमा व्यापक विरोध पछि उक्त गीत सबै रेडियो टेलिभिजनबाट बन्द गराउन सफल भएका थियौं । उक्त अभियान सफल तुल्याउन सहयोगी भूमिका निर्वाह गर्नुहुने रेडियो टेलिभिजन तथा त्यसमा लोक गीतका कार्यक्रम सञ्चालन गर्नुहुने सञ्चारकर्मी साथिहरुको त्यो साथ यस संस्थाले कहिल्यै भुल्ने छैन । र आगमी दिनहरुमापनि निरन्तर सहकार्य रहने छ ।

यसरी समाजमा आउने र समाजलाई नपच्ने किसिमका गीत संगीतलाई सधैं खुलेर विरोध गर्ने हिम्मत हामीले हार्नु हुर्दैन र हामी यस अभियानको लागि सधैं तयार छौं । यस अभियानमा सबै तह र तप्काबाट साथ सहयोग प्राप्त हुनेमा हामी विश्वस्त छौं ।