निर्मल पुरी भोगी, काठमाण्डौं–बाबा कृष्ण प्रसाद घिमिरे र आमा भगवता घिमिरेको कोखबाट वि सं २०५६/४/२१ गते जन्मिएका बहु प्रतिभाका धनी सिद्धार्थ घिमिरे पुर्ख्यौली घर अर्घाखाँची र स्थायी घर कपिलबस्तुको पिपरा भई हाल राजधानी बस्दै आएका छन् ।
प्लस टु पास गरेका उनी गीत सङ्गीतका कुशल बिद्यार्थी हुन् । उनी आफुलाई गायक र मोडेल भनेर चिनाउन चाहन्छन् । आधुनिक गीत राम्रो गाउने उनलाई सबै खालको गीत मन पर्छ ।
उनले सिंहदरबार, कालीको हाँसै बबाल, एक्लै यात्रा, दशैँ, परदेशी २ लगायत अहिलेसम्म ५/६ ओटा गीतमा अभिनय गरिसकेका छन् भने जहाँको त्यही लगायत सिरियलमा पनि अभिनय गरेका छन् जुन रिलीज हुने क्रममा छन् ।
अबको केही दिनमा आफैले नयाँ गीत बजारमा ल्याउन लागेको र त्यसकै तयारीमा जुटेका उनी अरु नयाँ गीतमा अभिनय क्रमशः गर्दै जाने तयारीमा छन् । गीत सङ्गीतमा सानै बाट रुचि रहेको र यो क्षेत्र आफ्नो रोजाईमा परेको बताउँछन् उनि ।
उनलाई घर बाटपनि बाबा ममिको साथ राम्रो रहेको बताउँछन् । उनले आगामी दिनहरुमा सबैको माया पाउने, अघि बढ्ने छु भन्ने प्रण दर्शक स्रोतामाझ गर्नेगरेका छन् । नव प्रतिभा सिद्धाथ घिमिरेलाई हाम्रो पनि शुभकामना ।
२०८१ माघ १ - मंगलवार
