सन्तोष बजगाई, काठमाण्डौं–साविकको कुमरी गाविस अन्तर्गत पर्ने बेलकोटगढी नगरपालिका ३ स्थित लक्ष्मीश्वरी माविले यसै शैैक्षीक सत्रबाट कक्षा ११ को पढाई सुरु गरेको छ ।
२०७५ साउन २७ गतेबाट शिक्षाशास्त्र संकाय र व्यवस्थापन संकायगरि दुई संकायमा पढाई सुरु गरिएको विद्यालय व्यवस्थापन समितीका अध्यक्ष एवं समाजसेवी सम्भु पनेरुले जानकारी दिएका छन् ।
विगत लामो समयदेखि यो विद्यालय एस.एल.सी र एस.ई.ई.मा जिल्लामै सर्वोत्कृष्ट रहँदै आएको छ । धेरै पहिलेदेखि उच्च शिक्षाको लागि पहल गरिएपनि अन्ततः कक्षा ११ को पढाई सञ्चालन गर्न सफल भएकोमा स्थानिय अभिभावक तथा विद्यार्थीहरु खुसी भएका छन् । गाउँमै कम खर्चमा छिटो छरितो र सहज वातावरणमा शिक्षा प्राप्त हुनु गर्भको विषय बनेको स्थानियहरु बताउँछन ।
केहि समय अघि विद्यालयले प्लस टु सञ्चालनको लागि सप्ताह समेत लगाएको थियो र त्यसैको आडमा विद्यालयले कक्षा ११ को पढाई सुरु गरेको अध्यक्ष पनेरुले बताएका छन् ।
प्लस टु सञ्चालनसंगै रुपिङ, झ्याङ्ली, कुमरी लगायतका विद्यार्थीहरुलाई राहत पुगेको छ ।
२०८१ मंसिर २५ - मंगलवार
