सबैले योग गर्ने बानी बसालौं– सदस्य–सचिव घिसिङसहकारी रोजगार मेला सुरु! रोजगारी खोज्ने युवालाई ठुलो अवसर - सहकारी मन्त्रीआज अन्तर्राष्ट्रिय योग दिवस नेपालमा विभिन्न कार्यक्रमको आयोजना गरी मनाइँदैगोल्डेनगेट एसईई कप शनिबारदेखि हुनेविद्यालय खेलकुदसँग बक्सिङको साझेदारीआमा कुजाईन रेस्टुरेन्ट क्यानडाका निर्देशक ज्ञानेन्द्र बञ्जारा सम्मानितहेर्नुस् आज असार ७ गते शुक्रबारको राशिफलसगरमाथा आधार शिविरमा ‘विश्व शेफ सम्मेलन’ घोषणा,समाज कल्याण परिषद्लाई सातै प्रदेशमा विस्तार गरिनेपिकोलो रेस्टुरेन्ट एण्ड इभेन्ट्सका प्रवन्ध निर्देशक श्रेष्ठ सम्मानित

राष्ट्रिय युवा प्रतिभा सम्मानबाट शर्मिला विश्वकर्मा सम्मानित

न्यूजलाईन्स् मिडिया संवाददाता
प्रकाशित मिति : २०७५ श्रावण २७ गते, आईतवार १५:२३
 सन्तोष बजगाई, काठमाण्डौं– “युवाका लागि सुरक्षित वातावरण” भन्ने नारा सहित आज अगष्ट १२ तारिकमा अन्तर्राष्ट्रिय युवा दिवस विभिन्न कार्यक्रमहरुको आयोजना गरेर मनाइयो ।
यो अन्र्तराष्ट्रिय युवा दिवसका अवसरमा नेपाल सरकार युवा तथा खेलकुद मन्त्रालयद्धारा हरेक वर्ष प्रदान गरिने राष्ट्रिय युवा प्रतिभा सम्मानबाट शारीरिक अपाङ्गता भएकी महिला शर्मिला विश्वकर्मा सहित १० जना युवाहरुलाई सम्मान गरिएको छ ।
पोखरा लेखनाथ महानगरपालिका २६ कास्की निवासी शारीरिक अपाङ्गता भएकी महिला शर्मिला विश्वकर्माले युवा पत्रकारका रुपमा क्रियाशिल रही नेपाल अपाङ्ग मानव केन्द्रद्वारा प्रकाशित अपाङ्ग आवाज मासिक पत्रिका र साप्ताहिक रेडियो कार्यक्रम अपाङ्ग आवाज मार्फत अपाङ्गता भएका व्यक्तिहरुका सवालहरु प्रकाशन एवं प्रशारण गरि अपाङ्गता जगतमा योगदान गरेबापत रु १ लाख नगत सहित सम्मान पत्रद्धारा उपप्रधान मन्त्री तथा रक्षा मन्त्री इश्वर पोखरेलको प्रमुख आतिथ्यमा सम्मान गरिएको थियो ।
राष्ट्रिय युवा प्रतिभाबाट सम्मानित हुने युवाहरुमा शिक्षा तर्फ काठमाण्डौंका विनोद शाही, उद्यमशिलता तर्फ इलाका दिवस श्रेष्ठ, सूचना प्रविधि र सञ्चार तर्फ पोखरालेखनाथ महानगरपालिका २६ कास्कीकी शारीरिक अपाङ्गता भएकी महिला शर्मिला विश्वकर्मा, विज्ञान प्रविधि तर्फ धनुषाका अम्बर मण्डल र चितवनका सरोज चेपाङ्ग, सामाजिक रुपान्तरण तर्फ गुल्मिकी गंगा खड्का, कुषि तर्फ कैलालीकी गोमा कुमारी अधिकारी, कला संस्कृति, साहित्य सृजना तर्फ जुम्लाका गोविन्द नेपाली साकी, समाज सेवा तर्फ नवलपरासीका तिलोत्म पौडेल र कृषि र उद्यमशीलता तर्फ तनहुँका तेजविक्रम थापालाई जनही रु १ लाख सहित सम्मान पत्र द्धारा सम्मान गरिएको थियो ।
फेसबुक प्रतिक्रिया
सम्बन्धित शीर्षकहरु