बुटवल -मिस्टर एण्ड मिस कलेज २०७५ को उपाधि आयुष र आशाले प्राप्त गरेका छन् । एक महिना अगाडी लुम्बिनी अञ्चलका जिल्लाहरुमा भएको अडिसनबाट १५ जना प्रतियोगीलाइ ग्राण्ड फिनालेमा सहभागी गराइएको सो प्रतियोगितामा उपाधि चुम्ने बुटवल निवासी आयुस केसी र आशा कार्कीले बिशेस गिफ्ट ह्याम्पर सहित नगद रु १५/१५ हजार प्राप्त गरेका छन्।
तिलोत्तमाको दरबारलनमा सोमबार सम्पन्न ग्राण्ड फिनालेमा जजको प्रमुख भूमिकामा प्रदशनको तयारीमा रहेको फिल्म रामकहानिकी नायिका तथा निर्मात्री पुजा शर्मा रहेको सो प्रतियोगितामा अन्य निर्णायकमा यसु पाण्डे र देवबहादुर कुवर रहेका थिए । नेपालि सांगीतिक क्षेत्रकि चर्चित गायिका सुमधुर स्वरकी धनि देविका बन्दनाको प्रमुख आतिथ्यतामा सम्पन्न सो प्रतियोगितामा फस्टरनरअप सागर न्यौपाने र तृप्ति पाण्डे भएका थिए भने, सेकेण्डरनरअप फहाद अलि र अञ्जना बिकले प्राप्त गरे ।
प्रतियोगिताको भिवर चोइसमा फहाद अलि र श्रेया श्रेष्ठले प्राप्त गरे भने , मस्ट कंफीडेण्ट रवि सुनार र दुर्गा रणपाल, मस्ट क्रियटिभ शिशिर पाण्डे र तृप्ति पाण्डे , मस्ट ट्यालेण्ट सागर न्यौपाने र संगीता रेग्मी, बेस्ट वाल्क रक्षक गुरुङ र अञ्जना बिक , मिस ब्युटिफुल संगीता कुवर , मिस्टर हेन्डसम आयुष केसी , बेस्ट फिगर कुशुम कुमारी कानु , बेस्ट फिजीक रक्षक गुरुङ , मल्टिमिडिया आशा कार्की फहाद अलि , मस्ट फोटोजेनिक जोश्ना घले , अर्गनाइजर चोइस कुशुम कुमारी कानुले हासिल गरेका थिए ।
एड्भेंट नेपालको आयोजनामा सम्पन्न सो प्रतियोगितामा आयोजकका तर्फबाट अध्यक्ष बिष्णु ज्ञवालीले यस्तो प्रतियोगिताबाट समाजमा लुकेर रहेको प्रतिभा प्रष्फुटन हुने बताए । कार्यक्रम भब्य र सभ्य बनाउन सहयोग गर्ने सबैलाई धन्यबाद दिदै एड्भेंट नेपालका म्यानेजिङ्ग डाइरेक्टर धिरेन तुलाधरले आगामी दिनमा समेत सहयोगको अपेक्षा राखेका थिए । त्यस्तै कोरियोग्राफर जोशनमान गौचनले फेशन र डिजाइनिङ्ग जस्तो विधा हेराइमा नभई ब्रेनमा हुने र हरेक तबरले भित्रैदेखि स्वस्थ सुन्दरता आफुहरुको लक्ष्य रहेको बताए । प्रतियोगिताको संचालन बुटवलका चर्चित होस्ट सुमन श्रेष्ठले गरेका थिए ।
