बुटवल-नेपाल अंग्रेजी भाषा शिक्षक संगठन (नेल्टा) को प्रदेश ५ को अध्यक्षमा लोकनाथ उपाध्याय चयन भएका छन् । प्रदेश नम्बर को प्रथम अधिवेशनबाट बुटवलमा रहेको न्यु होराईजन संस्थाका संस्थापक प्राचार्य उपाध्याय सर्वसम्मत रुपमा अध्यक्षमा चयन भएका हुन् । नेपाल अग्रेजी भाषा शिक्षक एशोसियसन (नेल्टा) जिल्ला शाखाको आयोजना तथा केन्द्रिय सदस्य तारानाथ भट्टराईको संयोजनमा भएको भेलाले उपाध्याययको अध्यक्षतामा नयाँ कार्य समिति चयन गरेको हो ।
कार्यक्रमको उद्घाटन गर्दै प्रदेश नं. ५ का सामाजिक विकासमन्त्री सुर्दशन बरालले अन्तराष्ट्रिय सम्पर्क भाषाका रुपमा अग्रेजी भाषाको पहिचान बनाएको बताएका थिए । नेपाली शिक्षा सुधारको प्रण गर्दै अब अग्रेजी, गणित र विज्ञान विषयमा ध्यान दिने गरि अघि बढ्न सुझाव दिए । नवनियुक्त पदाधीकारीहरुको बरिष्ठ उपाध्यक्षमा गोपाल प्रसाद बस्याल, उपाध्यक्षमा दुर्गा प्रसाद पाण्डे, महासचिवमा कृष्णप्रसाद भट्टराई, सचिवमा अर्जून तिवारी तथा सदस्य सचिवमा देवीकुमारी गुरुङ्ग चयन भएका छन् ।
यस्तै कोषाध्यक्षमा घनस्याम भण्डारी, सदस्यहरुमा होमनाथ आचार्य, बिष्णु प्रसाद भट्टराई, ओम प्रकाश बिष्ट, यमराज शर्मा, चेतलाल चौधरी, सञ्जीव कुमार सिंघल, प्रभा क्षेत्री, अम्बीका चापागाईं र प्रेमकुमारी थापा चयन भएका छन् । सभामा प्राध्यापक लक्ष्मण ज्ञवाली, केन्द्रिय सदस्य होमराज खड्का, नेल्टाको जिल्ला अध्यक्ष लोकनाथ उपाध्यय लगायतले बोल्दै विश्वका अधिकाश उत्कृष्ट पुस्तकहरु अग्रेजीमा लेखिएकाले पनि यो भाषाको महत्व बढेको बताए । भेलामा ११ जिल्लाका ९० जना शिक्षकहरु सहभागि रहेका छन । कार्यक्रमको सञ्चालन नेल्टाका केन्द्रिय सदस्य तारानाथ भट्टराईले गरेका थिए ।
