नेपाल हेभी इक्विपमेन्ट व्यवसायी संघ काठमाडौमा  महेश कुँवरको नेतृत्वविकास शिल्ड उपाधि पुरुषतर्फ सशस्त्र प्रहरी बल एपीएफ र महिलातर्फ सुदुरपश्चिम प्रदेशलाईमधेशी एकता समाजको होली समारोह धुमधाम र भव्यताका साथ दुबईमा सम्पन्नHONOR Wins 45 Media Awards at MWC 2024नयाँ गठबन्धन निर्माणसँगै प्रधानमन्त्री पुष्पकमल दाहाल प्रचण्डले तीन जना मन्त्री नियुक्तनेपाल मेडिकल कलेजमा श्रवण सम्बन्धी निःशुल्क स्वास्थ्य जाँचलक्ष्मी ग्रुपका अध्यक्ष श्रेष्ठलाई ‘कर्पोरेट लाइफटाइम अचिभमेन्ट अवार्ड’, को हुन् उनी ?राष्ट्रिय सभाका निर्वाचित १९ सदस्यले आज शपथग्रहण गर्दैविकास शिल्ड राष्ट्रिय ह्वीलचियर बास्केटबल च्याम्पियनसिपः सुदुरपश्चिम र लुम्बीनी फाइनलमा प्रवेशतपाईंको आजको दिन कस्तो छ ? हेर्नुस् राशिफल

सुर्तीजन्य पदार्थविरुद्ध ऐन कार्यान्वयनको लागि मन्त्रालयहरुबीच समन्वयन हुनुपर्छ : डिआईजी श्रेष्ठ

न्यूजलाईन्स् मिडिया संवाददाता
प्रकाशित मिति : २०७५ भाद्र ६ गते, बुधबार ०५:४२

काठमाडौं, ५ भदौ ।  नेपाल प्रहरीका नायव महानिरिक्षक राम प्रसाद श्रेष्ठले सुर्तीजन्य पदार्थविरुद्ध ऐन–२०६८ प्रभावकारी रुपले कार्यान्वयन गर्न विभिन्न मन्त्रालयहरुबीच समन्वयन हुनुपर्ने बताएका छन् ।
काठमाडौंस्थित् नेपाल प्रहरी प्रतिष्ठान महाराजगञ्जमा क्यान्सर काउन्सिल नेपालको आयोजना र माछापुच्छ्रे बैंकको सहकार्यमा मंगलबार संचालित एक अन्तरक्रिया तथा छलफल कार्यक्रममा बोल्दै उनले यस्तो बताएका हुन् । डिआईजी श्रेष्ठले नेपाल प्रहरी सुर्तीजन्य पदार्थ रोकथामको लागि पूर्ण प्रतिबद्ध रहेको पनि विश्वास दिलाए ।
उनले नेपाल प्रहरी केन्द्र, संघीय र स्थानीय सरकारसँग सहकार्य गरेर सुर्तीजन्य पदार्थ रोकथामको लागि प्रतिबद्ध भएको कुरा स्पष्ट पारे ।
किशोरकिशोरीहरुले सुरुमा सुर्तीजन्य पदार्थको सेवन गरेतापनि कालान्तरमा लागुपदार्थको सेवन गर्ने कुरा अनुशन्धानले देखाएको श्रेष्ठले सुनाए । उनले भने,‘यसले गर्दा समाजमा शान्ति तथा सुरक्षा स्थापना गर्नको लागि चुनौती खडा भएको छ ।’
त्यस्तै कार्यक्रममा क्यान्सर रोग विशेषज्ञ प्रा.डा. विष्णुदत्त पौडेलले सुर्तीजन्य पदार्थ, वातावरणीय प्रभाव र अस्वस्थकर खानपिननै नसर्ने रोगहरुको प्रमुख कारण भएको बताए ।
डाक्टर पौडेलले नेपाल प्रहरीले मादक पदार्थ नियन्त्रणमा ठुलो सफलता हासिल गरेकोमा धन्यबाद दिँदै सुर्तीजन्य पदार्थ रोकथामको लागिपनि नेपाल प्रहरीको ठुलो भुमिका हुने धारणा राखे ।
फ्रान्सको पछिल्लो एक वर्षमा १० लाख मानिसहरुले सुर्तीजन्य पदार्थ त्यागेर विश्वलाई पाठ सिकाएको स्मरण गराउँदै डाक्टर पौडेलले नेपाललेपनि यस्ता कुराको अनुशरण गर्नुपर्ने कुरा बताए ।
स्वास्थ्य मन्त्रालयका कानून उप–सचिव पुष्कर नेपालले नेपालमा स्थिर सरकार बनेपछि सुर्तीजन्य पदार्थ रोकथामको लागि प्रभावकारी रुपमा कार्यक्रम गर्न लागिएको जानकारी दिए ।


उनले अनुसार स्वास्थ्य मन्त्रालयको नेतृत्वमा विभिन्न निकायहरुसँग सहकार्य गरेर सुर्तीजन्य पदार्थ रोकथामको लागि प्रभावकारी योजना संचालन गरिने पनि विश्वास दिलाए ।
नेपालले सुर्तीजन्य पदार्थविरुद्धको ऐन–२०६८ को बारेमा सहभागीहरुलाई जानकारी दिएका थिए ।
क्यान्सर काउन्सिल नेपालका अध्यक्ष रुद्रलाल कडरियाले सुर्तीजन्य पदार्थ रोकथामको लागि जनचेतनामूलक कार्यक्रमहरु प्रभावकारी रुपमा संचालन गर्नुपर्ने धारणा राखे ।
उनले जनचेतनाको कारणले गर्दा विकसित देशमा मानिसहरु सुर्तीजन्य पदार्थबाट टाढै रहेको र रोग लाग्नुभन्दा पहिलेनै सतर्कता अपनाएकोले रोगको उपचार खर्च कम हुने र उपचारको प्रभावकारी हुने स्पष्ट पारे ।
क्यान्सरजस्तो रोग रोकथामको लागि सुर्तीजन्य पदार्थविरुद्ध जनचेतनामूलक कार्यक्रम अतिनै आवश्यक भएको पनि उनले बताए । साथै, नागरिक समाजलेपनि सरकारका विभिन्न निकायसँग सहकार्य गरेर सुर्तीजन्य पदार्थ रोकथामको लागि अभियान संचालन गर्नुपर्नेबारे उनको जोड थियो ।

फेसबुक प्रतिक्रिया
सम्बन्धित शीर्षकहरु