सन्तोष बजगाई, काठमाण्डौं–गायक तथा सङ्गीतकार मदन सिंहको आधुनिक गीति संग्रह रेलिमाई रेलिमाई बजारमा आएको छ । यसअघि पनि राष्ट्रिय गीतहरु देखि आधुनिक गीतसम्ममा उहाँका थुप्रै गीतहरुले श्रोताहरुको मन जितिसकेको छ ।
एल्वम रेलिमाई रेलिमाई भित्र संग्रहित गीतहरुमा यो हावा यो लहर, आशाले, जाँदैछु, सुनसान रात, जोवन गयो, सेती दोभान लगायतका दश ओटा गीतहरु समावेश गरिएको छ ।
गायक तथा सङ्गीतकार सिंहलाई स्वरमा सुक्मित गुरुङ, सपना श्री लगायतले साथ दिएका छन् भने जोवन गयो बोलको गीतमा पाण्डप सुनुवारको समेत आवाज सुन्न सकिन्छ ।
एल्वमा संग्रहित गीतहरुमा शुभबहादुर सुनाम, राकेश अबजशी, राम सिंह, लक्ष्मी जोशी, गोमशकुमार आचार्य तथा उहाँ स्वयंले समेत संङ्गीत भर्नु भएको छ त्यस्तै सरोज अर्याल, मञ्जु शर्मा, राकेश अवजशी, सुवासचन्द्र ढुङ्गेल, किराँत जे.वी. राई लगायतले शव्द सिर्जना गर्नुभएको छ ।
गायक तथा सङ्गीतकार सिंहले यो एल्वमलाई रिमेक गरि बजारमा ल्याउनु भएको हो । यस एल्वममा संग्रहित रेलिमाई बोलको गीत सर्वाधिक चर्चित गीतपनि होे ।
