काठमाडौं ।
बलात्कार पछि हत्या भएकी कञ्चनपुरी निर्मला पन्तको वास्तविकता लुकाउन खोजको भन्दै स्थानियबासीको आन्दोलनमा प्रहरीले गोली प्रहार गरको छ । गोली प्रहारबाट चार जना घाईते भएका छन् ।
जिल्ला प्रशासन कार्यालय अगाडि प्रदर्शनमा रहेका प्रदर्शनकारीहरुले ढुङ्गा मुढा गरेपछि प्रहरीले गोली चलाएको जनाएको छ । घाईतेहरुको महाकाली अञ्चल अस्पलात कञ्चनपुरमा उपचार भईरहेको छ । घाइते मध्ये १६ वर्षीय अर्जुन भण्डारकाे अवस्था गम्भीर रहेकाे जनाएकाे छ । तिर्थ पनेरु र सन्ताेष भट्ट लगायतका स्थानिय प्रर्दशनकाे क्रममा घाइते भएका हुन् ।
हत्या भएको २८ दिन सम्म आईपुग्दा सम्म पनि निर्मलाका वास्तविक बलात्कारी हत्यारा पत्ता लगाउन नसकेको भन्दै स्थानियहरुले बिहिबार बिहानैदेखी अान्दाेलन चर्काउदै अार्इरहेका थिए।
प्रहरीले निर्मला हत्यामा संङलग्न भएको भन्दै भीमदत्त नगरपालिका १९ का ४१ वर्षीय दिलिपसिंह विष्टलाई मुख्य अभियुक्त भन्दै सार्वजनिक गरेपछि आन्दोलनले नयाँ रुप लिएको हो ।
नेपाल प्रहरी र केन्द्रिय अनुसन्धान व्युरो (सिआईबी) को टोलीले निर्मला हत्याका मुख्य अभियुक्त भनिएका विष्ट मानसिक रुपमा ठिक नभएको भन्दै प्रहरीले बास्तविक हत्यारा लुकाउन खोजेको स्थानियको आरोप रहेको छ ।
