सन् २०११ मा निकै तामझाम तथा चर्चाका साथ गुगलले आफ्नो सोसल मिडिया प्लाटर्फम गुगल प्लस लञ्च गरेको थियो । तर अथक प्रयासका बाबजुत गुगल प्लसले इन्टरनेट प्रयोगकर्ताबीच लोकपि्रयता हासिल गर्न सकिरहेको छैन ।फलतः गुगल प्लस प्लाटर्फमको ढोका बन्द गर्ने अन्तिम टुंगोमा गुगल पुग्न लागेको चर्चा सुरु भएको छ ।
यसको पहिलो पाइलाका रुपमा गुगल फ्रान्सले औपचारिक घोषणा गरेको छ । गुगल फ्रान्सको अफिसियल गुगल प्लस पेजमा राखिएको जानकारी अनुसार यहीँ हप्तादेखि गुगल प्लसको ढोका बन्द गरिनेछ ।गुगल प्लसमा रहेका गुगलका फलोअर्सहरुलाई पनि अब कम्पनीको अफिसियल फेसबुक पेज तथा टि्वटर ह्याण्डलमा रिडाइरेक्ट गरिनेछ ।गुगलले भनेको छ ः हामीलाई थाहा छैन यसलाई कसरी घोषणा गर्ने ?
तर गुगल प्लसमा रहेको गुगल प्लस पेजले यहीँ सप्ताहन्त देखि ढोका बन्द गर्दैछ । यत्तिका वर्षसम्मको योगदानका लागि सबैलाई धन्यवाद ।गुगलले आफुले चालेको पछिल्लो कदमको कारण भने खुलाएको थिएन । यद्यपि गुगल फ्रान्सले गुगल प्लसको पेजमा पछिल्लो ४६ हप्तायता कुनै पोष्ट गरेको थिएन । यसले पनि गुगल प्लस निस्क्रिय नरहेको प्रष्ट हुन्छ । पछिल्लो पटक गरेको सेवा बन्द गर्ने घोषणाको पोष्ट सम्ममा उक्त पेजमा ४ लाख ७१ हजार फलोअर्स थिए ।
फ्रान्समा गुगल प्लसको अफिसियल पेज बन्द भएसँगै त्यसलाई अन्य देशमा पनि निरन्तरता दिइने सम्भावना छ ।गत फेब्रुअरीमा गुगल प्लसका इन्जिनियरिङ म्यानेजरले एन्ड्रोइड प्रयोगकर्ताका लागि नयाँ भर्सनको गुगल प्लस ल्याउन लागिएको खुलासा गरेका थिए । तर त्यस्तो घोषणा गरेको ६ महिना भैसक्दा पनि गुगलले कुनै नयाँ प्रडक्ट ल्याएको छैन । उल्टै गुगल प्लसको अफिसियल पेज नै बन्द गर्ने कदमको सुरुवात भएको छ । यसबाट गुगल प्ल्सका बारेमा गुगलले आगामी दिनमा कुन निर्णय लिने हो अन्योल भएको छ ।स्मरण रहोस् विश्वमा गुगल प्लसका झण्डै ५० करोड प्रयोगकर्ता छन् । एजेन्सीको सहयोगमा
२०८१ मंसिर २६ - बुधबार
