बुटवल-बालबिवाह अन्त्यको लागि रुपन्देही जिल्लाको गैडहवा गाउँपालिकामा वालिका बिमा अभियान सुरु गरिएको छ।गैंडवहा गाउँपालिका वडा नं. ६ सूर्यपुरा माविबाट बिमा अभियान सुरु गरिएको गाउँपालिकाका अध्यक्ष बच्चुलाल केबटले जानकारी दिएका छन।साउनबाट गैडहवा गाउँपालिकामा जन्महुने हरेक बालिकाको बिमा गाउँपालिकाले गर्ने अध्यक्ष केबटले बताए।
वालविवाह अन्त्य गर्नको लागि गाउँपालिकाले अभियान सञ्चालन गरेको उनले जानकारी दिए।गाउँपालिकाले २० हजार र अभिभावकको ५ हजार गरी २५ हजारको बैंकमा खाता खोलेर मुद्दतीमा जम्मा गरिने र उक्त रकम २० वर्ष भएपछि छोरीको नाममा हुने छ।यो अभियानले गाउँपालिकामा महिला हिंसा कम हुने र वालविवाह नहुने विश्वास ब्यक्त गरे।पहिले भन्दा गाउँमा बालविवाह कम हुने गरेको अध्यक्ष केबटले बताउँदै महिला हिंसाको अन्त्य र बाल विवाह अन्त्यको लागि गाउँपालिका लागि पर्ने उनले बताए।गाउँपालिका वडा नंं. ६ का वडा अध्यक्ष रामविलास यादबले गाउँपालिकाले सुरु गरेको बालिका बिमा अभियानमा सबैको साथ र सहयोग हुनु पर्ने बताए ।
