पूर्वपश्चिम राजमार्ग अन्तर्गत धनुषाको धारापानीमा टिपरको ठक्करबाट मोटरसाइकलमा सवार दुईजनाको मृत्यु भएको छ ।
पश्चिमबाट पूर्वतर्फ जाँदै गरेको ना १ प ६१८९ नम्बरको टिपरले सोही दिशातर्फ जाँदै गरेको स ५ प ९०४६ नम्बरको मोटरसाइकललाई ठक्कर दिँदा उदयपुरको त्रियुगा नगरपालिका ४ बस्ने २५ वर्षीय विकास राई र २३ वर्षीय सचिन्द्र राईको मृत्यु भएको हो ।
उनीहरू दुबैजनाको घटनास्थलमै मृत्यु भएको इलाका प्रहरी कार्यालय धारापनीले जनाएको छ । मृतक दुई दाजुभाइ हुन् । शवलाई पोस्टमार्मको लागि जनकपुर अचल अस्पतालमा पठाइएको छ ।
यसै बिच वीरगंज महानगरपालिका वडा नम्बर २४ मा रहेको पोखरी मा डुबेर दुई बालकको मृत्यु भएको छ । बिहानै स्थानीयले दउनीहरुको शव देखि प्रहरी लाई खबर गरेका थिए । मृत्यु हुनेमा १४बर्षिय नितेस पटेल र१० बर्षिय पती पटेल रहका छन् । शव पोस्ट मार्टमको लागि नारायणी उपक्षेत्रीय अस्पतालमा लगिएको जनाइएको छ ।
